-
-
سندھ کی قوم پرست جماعت قومی عوامی تحریک کے سربراہ ایاز لطیف پلیجو نے سندھ کی عوام کو تیزی سے کراچی میں آکر آباد ہونے کا مشورہ دیا ہے۔ ان خیالات کا اظہار انہوں نے اسلام کوٹ میں قومی عوامی تحریک کی جانب سے تھر بچاؤ تھر کے وسائل بچاؤ کے عنوان کے تحت ہونے والے جلسہ میں کیا۔
ایاز لطیف پلیجو نے کہاہے کہ کراچی میں سندھیوں کو آباد ہونے سے روکنے کے لیے فساد کروائے جا رہے ہیں، یہ ایجنڈا عالمی سازش کا حصہ ہے جس میں اسلام آباد سمیت انتہاپسندانہ سوچ رکھنے والے لوگ شامل ہیں۔
ایاز لطیف پلیجو کا کہنا تھاکہ کوشش کی جارہی ہے کراچی کو جلانے والوں کو دوبارہ آگے لایا جائے مگر ان شرپسندوں میں اب وہ طاقت ہرگز نہیں رہی ہے۔اس لیے نئے راستے بنا کر انتشار پھیلانے کی کوششیں کی جا رہی ہیں۔
