-
-
سندھ ہائیکورٹ میں لاپتہ افراد کی بازیابی سے متعلق کیس کی سماعت میں سندھ پولیس نے جدید ٹیکنالوجی نہ ہونے کا اعتراف کرلیا۔ جے آئی ٹی کی سربراہ شہیلا قریشی نے عدالت کو بتایاکہ پولیس کے پاس ایسی کوئی ٹیکنالوجی نہیں ہے جو واٹس ایپ کال کو ٹریس کرسکے۔
تفتیشی افسر نے عدالت کو بتایاکہ لاپتا شہر سلطان سے متعلق مسقط سے واٹس ایپ پر کال کی جارہی ہے۔ جس پر جسٹس محمد اقبال کلہوڑو نے سوال کیا کہ واٹس ایپ کال کسی نہ کسی فون نمبر سے ہی کی جاتی ہوگی ؟
تفتیشی افسر نے بتایاکہ مسقط کا فون نمبر صرف واٹس ایپ پر موجود ہے جسکی سم بند ہوچکی ہے۔ جسٹس محمد اقبال کلہوڑو نے استفسارکیا کہ واٹس ایپ نمبر جس انٹرنیٹ یا سیلولر سروس سے منسلک ہے اسکا سراغ نہیں لگایا جاسکتا ؟
پولیس نے عدالت کو بتایاکہ تحقیقات کے لئے ایف آئی اے کو خط لکھا جاچکا ہے۔ عدالت نے پولیس کو لاپتا شہری سلطان کی بازیابی کے لئے ایف آئی اے سے مدد لینے کا حکم دیتے ہوئے 8 فروری کو پیش رفت رپورٹ طلب کرلی۔
