سندھ بھر بالخصوص کراچی میں کل سے مون سون ہواٶں اور بارشوں کا امکان ۔

محکمہ موسمیات کے مطابق سندھ بھر میں کل سے مون سون ہواٸیں اثر انداز ہو سکتی ہیں، تیز ہواؤں اور گرج چمک کے ساتھ کہیں کہیں تیز بارش بھی متوقع ہے۔

 22 سے 25 ستمبر کے دوران تھر پارکر، عمر کوٹ، سانگھڑ اور بدین میں بارشوں کا امکان ظاہر کیا گیا ہے۔

جبکہ کراچی، حیدر آباد، ٹھٹھہ، سکھر، لاڑکانہ، دادو، نواب شاہ، خیر پور، جیکب آباد، شکار پور، جامشورو میں 23 سے 25 ستمبر تک بارش کا امکان ہے۔

شہرِ قائد میں آج اور کل مطلع جزوی ابر آلود رہنے اور ہلکی بوندا باندی کا امکان ہے۔

واضح رہے کہ محکمہ موسمیات کے مطابق رواں سال سندھ میں 47 فیصد کم بارشیں ہوئیں ۔  جبکہ ستمبر میں معمول سے زائد مون سون سسٹمز خلیج بنگال میں تشکیل پا رہے ہیں اور مون سون کا اختتام بھی تاخیر سے ہونے کا امکان ہے۔