-
-
سندھ حکومت کی جانب سے 4 اپریل کو عام تعطیل کا اعلان کیا گیا۔ ذوالفقار علی بھٹو کی برسی کے موقع پر کراچی سمیت سندھ بھر میں عام تعطیل کا نوٹی فکیشن بھی جاری کردیا گیا ہے۔ عام تعطیل کے موقع پر تمام نجی و سرکاری اسکول و کالجز بند رہیں گے۔
پاکستان کے سابق وزیراعظم اور پاکستان پیپلز پارٹی کے بانی چیئرمین ذوالفقار علی بھٹو کی 43 ویں برسی بروز پیر 4 اپریل کو منائی جائے گی۔ پیپلز پارٹی ملک بھر میں تقریبات کا اہتمام کرے گی جس میں سابق وزیراعظم کی سیاسی خدمات اور جہد و جہد پر روشنی ڈالی جائے گی۔
علی بھٹو 5 جنوری 1928ء کو سندھ کے شہر لاڑکانہ میں پیدا ہوئے، ان کے والد سر شاہ نواز بھٹو مشیر اعلیٰ حکومت بمبئی اور جوناگڑھ کی مسلم ریاست میں دیوان تھے۔
پیپلزپارٹی کے بانی چیئرمین دسمبر 1971ء تا 13 اگست 1973ء صدر مملکت کے عہدے پر فائز رہے، انہوں نے 14 اگست 1973ء کو نئے آئین کے تحت وزیراعظم کا حلف اٹھایا۔
ذوالفقار علی بھٹو دو مرتبہ وزیراعظم منتخب ہوئے اور پانچ جولائی انیس سو ستتر کو جنرل ضیاء الحق نے مارشل لاء کر ان کی حکومت کو برطرف کردیا اور چار اپریل انیس سواناسی کو ذوالفقار علی بھٹو کو پھانسی دے دی گئی۔
