-
-
آسٹریلیا کے کرکٹ بورڈ نے دورہ پاکستان کیلئے ٹیسٹ کے بعد ون ڈے اور ٹی ٹوئنٹی کے اسکواڈ کا بھی اعلان کردیا ہے۔ آسٹریلیا کا 16 رکنی اسکواڈ کی قیادت ایرون فنچ کریں گے۔
ڈیوڈ وارنر ، مچل اسٹارک ، پیٹ کمنز اور جوش ہیزل ووڈ کو آرام دیا گیا ہے جبکہ گلین میکسویل اپنی شادی کے باعث اسکواڈ میں شامل نہیں ہیں۔
دورہ پاکستان کیلئے اعلان کردہ آسٹریلیا کے اسکواڈ میں شین ایبٹ ، آشٹن ایگر، جیسن بحرنڈورف، ایلکس کیری ، نیتھن ایلس ، کیمرون گرین ، ٹریوس ہیڈ ، جوش انگلس اور مارنس لبوشین شامل ہیں۔ مچل مارش، بین میکڈرمٹ، کین رچرڈسن، اسٹیو اسمتھ، مارنوس اسٹوئنس اور ایڈم زمپا بھی اسکواڈ کا حصہ ہیں۔
پاکستان اور آسٹریلیا کے درمیان ون ڈے سیریز کے میچز 29 مارچ ، 31 مارچ اور 2 اپریل کو کھیلے جائیں گے جبکہ سیریز کا واحد ٹی ٹوئنٹی میچ 5 اپریل کو کھیلا جائے گا۔
