-
-
کراچی میں سپرہائی وے پر سبزی منڈی کے سامنے ڈکیتی کے خلاف مزاحمت پر ایک شخص کی ہلاکت کے خلاف احتجاج کے باعث دونوں ٹریک ٹریفک کیلئے بند کردئے گئے۔
تفصیلات کے مطابق ڈکیتی کے دوران مزاحمت پر ڈاکوؤں نے ایک شخص قتل کردیا جبکہ ایک شخص زخمی ہوا جسکے بعد علاقہ مکین سراپا احتجاج بن گئی۔ مظاہرین نے سبزی منڈی کے سامنے مقتول کی میت رکھ کر احتجاج کیا اور سپرہائی کے دونوں ٹریک ٹریفک کیلئے بند ہوگئے۔
رپورٹس کے مطابق مظاہرین نے ٹائر نظر آتش کئے اور فائرنگ بھی کی گئی۔ مظاہرین نے بڑھتی ہوئی وارداتوں پر حکومت کے خلاف نعرے بازی کی اور بھرپور احتجاج کیا۔ اطلاعات کے مطابق سپرہائی وے صبح 9 بجے سے ٹریفک کیلئے بند ہے۔
میڈیا رپورٹس کے مطابق پولیس ذرائع کا دعوٰی ہے کہ قتل کی واردات ڈکیتی مزاحمت کا شاخسانہ نہیں ہے۔ ٹریفک پولیس کی جانب سے جاری کردہ معلومات کے مطابق حیدرآباد سے آنے والی ٹریفک کو ماڈل روڈ ملیر کی طرف جبکہ شہر سے حیدرآباد جانے والی ٹریفک کو جمالی پل رم جھم ٹاور سے نیچے کی جانب بھیجا جارہا ہے۔
رہے ہیں۔
الحبیب ہوٹل سے واپس نادرن بائی پاس روڈ کی طرف بھیج رہے ہیں.
براق پٹرول پمپ سے واپس سچل کی طرف بھیج رہے ہیں۔— Karachi Traffic Police (@Khitrafficpol) July 20, 2023
ٹریفک کو الحبیب ہوٹل سے واپس نادرن بائی پاس روڈ جبکہ براق پمپ سے سچل کی جانب بھیجا جارہا ہے۔ مظاہرین کی جانب سے احتجاج کا سلسلہ اب بھی جاری رہے۔
