-
-
دورہ نیدرلینڈز اور ایشیا کپ ٹی ٹوئنٹی ٹورنامنٹ کیلئے پاکستان کے علیحدہ علیحدہ اسکواڈز کا اعلان کردیا گیا۔ دورہ نیدرلینڈز کیلئے 16 رکنی ٹیم منتخب کی گئی جبکہ ایشیا کپ کیلئے 15 کھلاڑیوں کا انتخاب کیا گیا ہے۔
طویل عرصے سے آؤٹ آف فارم فاسٹ باؤلر حسن علی کو بلاآخر ٹیم سے ڈراپ کردیا گیا۔ حسن علی کو دورہ نیدرلینڈز اور ایشیا کپ دونوں اسکواڈز میں شامل نہیں کیا گیا۔ انکی جگہ فاسٹ باؤلر نسیم شاہ کو دونوں اسکواڈ میں منتخب کیا گیا ہے۔
دورہ نیدرلینڈز اور اے سی سی ٹی ٹونٹی ایشیا کپ کے لیے قومی اسکواڈز کا اعلان کردیا گیا
مزید پڑھیے:https://t.co/L1XAfweOKA#NEDvPAK | #AsiaCup2022 pic.twitter.com/NuvjC3eSr2
— PCB Media (@TheRealPCBMedia) August 3, 2022
نیدرلینڈز کے خلاف 3 ون ڈے انٹرنیشنل میچز کیلئے منتخب کردہ قومی اسکواڈ میں کپتان بابراعظم، نائب کپتان شاداب خان، عبداللہ شفیق، فخرزمان اور حارث رؤف شامل ہیں۔
امام الحق، خوشدل شاہ، محمد حارث، محمد نواز، محمد رضوان اور محمد وسیم جونیئر بھی دورہ نیدرلینڈز کا حصہ ہوں گے۔ نسیم شاہ، سلمان علی آغا، شاہین شاہ آفریدی، شاہنواز دھانی اور زاہد محمود بھی قومی ون ڈے انٹرنیشنل اسکواڈ کا حصہ ہیں۔
پاکستان اور نیدرلینڈز کے درمیان ون ڈے میچز 16 ، 18 اور 21 اگست کو کھیلے جائیں گے۔ تینوں میچز نیدرلینڈز کے شہر روٹرڈم میں ہوں گے۔
🇵🇰✈️
🚨 Pakistan’s squads for Netherlands ODIs and ACC T20 Asia Cup 🚨
Read more: https://t.co/CsUoxtXc1H#NEDvPAK | #AsiaCup2022 pic.twitter.com/4be4emR8Sy
— Pakistan Cricket (@TheRealPCB) August 3, 2022
ایشیا کپ ٹی ٹونٹی ایشیا کپ میں بھی بابراعظم قومی ٹیم کی قیادت کریں گے جبکہ شاداب خان انکے نائب ہوں گے۔ اسکواڈ میں شامل دیگر کھلاڑیوں میں آصف علی، فخر زمان، حیدر علی، حارث رؤف اور افتخار احمد شامل ہیں۔
خوشدل شاہ، محمد نواز، محمد رضوان، محمد وسیم جونیئر، نسیم شاہ، شاہین شاہ آفریدی، شاہنواز دھانی اور عثمان قادر بھی ایشیا کپ کے لیے اعلان کردہ اسکواڈ میں شامل ہیں۔
ایشیا کپ متحدہ عرب امارات میں 27 اگست سے 11 ستمبر تک کھیلا جائے گا۔ پاکستانی ٹیم ایونٹ میں اپنا پہلا میچ روایتی حریف بھارت کے خلاف 28 اگست کو کھیلے گی۔
