-
-
شہرقائد کی سب سے بڑی جامعہ کی رہائشی کالونی میں ڈکیتی کرنے والوں کو پولیس اور رینجرز نے مشترکہ کارروائی کرتے ہوئے رنگے ہاتھوں گرفتار کرلیا۔
میڈیا رپورٹ کے مطابق کراچی یونیورسٹی کی رہائشی کالونی میں پولیس اور رینجرز نے ڈکیتی کی کوشش ناکام بنادی۔ ملزمان گھر کے افراد کو یرغمال بناکر واردات میں مصروف تھے، رینجرز اور پولیس نے چھاپہ مار کر ملزمان کو گرفتار کرلیا۔
ترجمان رینجرز کا کہنا ہے کہ ملزم معراج اور ملزمہ مریم بی بی ڈکیتی کی واردات کرانے میں ملوث ہے، گرفتار ملزم معراج نے ملزمہ کی نشاندہی پر ڈکیتی کی تھی، ملزم کے ملزمہ مریم کے ساتھ 5سال سے تعلقات ہیں، ملزمان ڈکیتی کی منصوبہ بندی یکم رمضان سے کررہے تھے۔
ترجمان کا کہنا ہےکہ ملزمان سے 12 تولہ سونا، 7 موبائل فونز، اسلحہ، موٹرسائیکل اور نقدی برآمد کیے گئے ہیں، ملزمان کو مزید قانونی کاروائی کے لیے پولیس کے حوالے کر دیا گیا ہے۔
