-
-
بھارت کی سابق ٹینس اسٹار ثانیہ مرزا کی بہن انعم مرزا اور انکے والد عمران مرزا نے سوشل میڈیا پر جاری بیان میں شعیب ملک اور ثانیہ مرزا کی طلاق کی تصدیق کر دی۔
انعم مرزا نے انسٹاگرام پر اپنے اہلخانہ اور ثانیہ مرزا کی ٹیم کی جانب سے ایک بیان جاری کیا ہے۔ انعم مرزا کی جانب سے جاری کئے گئے پیغام میں طلاق کی تصدیق کی گئی ہے۔
View this post on Instagram
شیئر کردہ نوٹ میں لکھا گیا ‘ثانیہ نے ہمیشہ عوام سے اپنی نجی زندگی کو پوشیدہ رکھا، البتہ آج ضرورت پیش آگئی ہے کہ وہ یہ بات سب سے شیئر کرے کہ شعیب اور اس کی طلاق کو کچھ ماہ گزر چکے ہیں’۔
انسٹاگرام پوسٹ میں مزید لکھا تھا کہ ‘ثانیہ اپنے سابق شوہر شعیب کی نئی زندگی کے لیے نیک خواہشات کا اظہار کرتی ہیں’۔
انعم مرزا کے اکاؤنٹ پر سامنے آنے والے نوٹ میں مداحوں سے درخواست کی گئی کہ ‘ثانیہ کی زندگی کے اس نازک وقت پر ہم تمام مداحوں سے اپیل کرتے ہیں کہ کسی قسم کی جھوٹی خبروں پر توجہ نہ دیں اور پرائیویسی کا خیال رکھیں’۔
انعم مرزا کے پیغام شیئر کرنے کے بعد یہ ہی نوٹ ثانیہ مرزا کے والد عمران مرزا کی جانب سے بھی ایکس اکاؤنٹ پر شیئر کیا گیا ہے۔
— Imran Mirza (@imrandomthought) January 21, 2024
واضح رہے گزشتہ روز شعیب ملک نے اداکارہ ثناء جاوید کے ساتھ شادی کا اعلان کیا تھا۔ شعیب ملک اور ثانیہ مرزا کے درمیان طلاق کی افواہیں گزشتہ کئی عرصے سے گردش کررہی تھیں۔
