-
-
سندھ ہائی کورٹ کے چیف جسٹس احمد علی شیخ نے تھرپارکر میں خاتون کے ساتھ اجتماعی زیادتی سے متعلق مقامی اخبار میں شائع ہونے والی خبر پر ازخود نوٹس لے لیا۔
جیو نیوز کی رپورٹ کے مطابق ضلع تھرپارکر کے شہر مٹھی میں خاتون کے ساتھ اجتماعی زیادتی کی خبر اخبار میں شائع ہوئی جسکے مطابق پولیس نے بااثرافراد کے خلاف کاروائی سے انکار کیا۔
اجتماعی زیادتی پر خاتون نے خود کشی کرلی۔ اخبار میں خبر شائع ہونے پر چیف جسٹس سندھ ہائی کورٹ احمد علی شیخ نے ازخود نوٹس لے لیا۔
چیف جسٹس سندھ ہائی کورٹ نے اخبار کی خبر پر ڈی آئی جی میرپور خاص اور ایس ایس پی تھرپارکر کو طلب کرلیا۔ عدالت عالیہ کی جانب سے جاری کئے گئے حکم کے مطابق ایس ایچ او اورکیس کے تفتیشی افسر 22کو ستمبر کو ریکارڈ سمیت پیش ہونے کی ہدایت کی گئی ہے۔
خبر کے مطابق ضلع تھرپارکر کے شہر مٹھی کے علاقے کلوئی میں لڑکی سے اجتماعی زیادتی کی گئی لیکن پولیس نے بااثر افراد کے خلاف کارروائی سےانکار کردیا۔
