-
-
مہاجر قومی موومنٹ کے سربراہ آفاق احمد کا کہنا ہے کہ شہر میں اسٹریٹ کرائم کی وارداتیں بڑھ رہی ہیں۔ تارکین وطن کو نکالنے سے شہر میں جرائم کم ہونگے۔
جیو نیوز کے مطابق کراچی میں سٹی کورٹ کے باہر میڈیا سے گفتگو کرتے ہوئے آفاق احمد کا کہنا تھا کہ کہ شہری علاقوں کے مسائل پر سب کو مل کر جدوجہد کرنی ہوگی۔
آفاق احمد کا کہنا تھا کہنا کراچی میں مستقل موبائل اور گاڑیاں چھینی جارہی ہیں لیکن کوئی گرفتاری نہیں ہورہی، تارکین وطن کو نکالنے سے شہر میں جرائم کم ہونگے۔
سربراہ مہاجر قومی موومنٹ کا کہنا تھا کہ سندھ میں وکلا کو پلیٹ فارم فراہم کیا جائے جہاں سب قومیں ساتھ بیٹھ سکیں۔ سندھ اربن لائرز فورم لوگوں کو سرپرائز دے گا۔ فلسطین کے معاملے پر آفاق احمد نے کہا کہ پوری امت مسلمہ کو ایک پیج پر آنا چاہیے۔
