-
-
سپریم کورٹ نے ایم کیو ایم کی سندھ میں بلدیاتی انتخابات روکنے کی استدعا مسترد کرتے ہوئے صوبائی حکومت سے جواب طلب کر لیا۔
چیف جسٹس کی سربراہی میں دو رکنی بینچ نے ایم کیو ایم کی بلدیاتی انتخابات روکنے سے متعلق درخواست پر سماعت کی۔ ایم کیو ایم کے وکیل فروغ نسیم نے کہا کہ 27 اگست کو لوکل باڈیز الیکشن ہے، اور 2 ہفتے کا وقت دیا گیا ہے۔
سندھ حکومت پھر کہے گی کہ پولنگ قریب ہے، اس لیے صوبائی حکومت کو انتخابات روکنے کا حکم دیا جائے۔ وکیل نے عدالت سے درخواست کی کہ وفاقی حکومت کو بھی جواب جمع کرانے کا کہہ دیں، تاہم چیف جسٹس نے کہا کہ وفاقی حکومت چاہے تو جواب جمع کرا دے۔
ایڈووکیٹ جنرل نے عدالت میں کہا سندھ حکومت کو تحریری جواب جمع کرانے کے لیے 2 ہفتے کا وقت دیا جائے، جس پر عدالت نے سندھ حکومت کو 2 ہفتے کی مہلت دینے سے انکار کر دیا۔
عدالت نے ایم کیو ایم کی درخواست مسترد کرتے ہوئے 4 اگست تک سندھ حکومت کو جواب جمع کرانے کا حکم دے دیا۔
واضح رہے سندھ میں بلدیاتی انتخابات کے دوسرے مرحلے میں پولنگ 24 جولائی کو ہونی تھی لیکن بارشوں اور اسکے بعد محرم کی وجہ سے انتخابات کو 28 اگست تک ملتوی کردیا گیا ہے۔
