-
-
ایم کیو ایم پاکستان کی رابطہ کمیٹی نے متحدہ اپوزیشن کے ساتھ طے پانے والے معاہدے کی توثیق کر دی۔ ایم کیو ایم کی رابطہ کمیٹی کا اجلاس کنوینر خالد مقبول صدیقی کی زیر صدارت اسلام آباد کے پارلیمنٹ لاجز میں ہوا جس میں پیپلز پارٹی کے ساتھ معاہدے کے نکات کا جائزہ لیا گیا۔
کراچی میں مشترکہ پریس کانفرنس کرتے ہوئے متحدہ قومی موؤمنٹ کی رابطہ کمیٹی نے بتایا کہ رابطہ کمیٹی متحدہ اپوزیشن اور ایم کیو ایم کے درمیان ہونے والے معاہدے کی توثیق کرتی ہے۔
ایم کیو ایم کی جانب سے شام 4 بجے اہم پریس کانفرنس کی جائے گی۔ پریس کانفرنس میں سابق صدر آصف علی زرداری، پی پی چیئرمین بلاول بھٹو ، پاکستان مسلم لیگ نواز (ن) کے صدر میاں شہباز شریف بھی شریک ہونگے۔
پریس کانفرنس میں ایم کیوایم پاکستان اور پاکستان پیپلز پارٹی کے درمیان ہونے والے معاہدے کی تفصیلات سے آگاہ کیا جائے گا۔
