-
-
ایل پی جی ڈسٹری بیوٹرز ایسوسی ایشن نے قیمتوں میں اضافے کیخلاف ہڑتال کا اعلان کردیا۔ ملک بھر میں آج علامتی ہڑتال کی گئی جبکہ 5 اور 4 اگست کو شٹرڈاؤن ہڑتال کی جائے گی۔
ایل پی جی ڈسٹری بیوٹرز ایسوسی ایشن کا گزشتہ روز لاہور میں ہنگامی اجلاس ہوا جس میں ڈسٹری بیوٹرز نے ایل پی جی کی قیمتیں بڑھانے والے مافیا کیخلاف پیر کے روز ہڑتال کرنے کا اعلان کیا۔
چیئرمین ایل پی جی ایسوسی ایشن عرفان کھوکھر کا کہنا تھا کہ کل بروز پیر ملک بھر میں ایل پی جی کی بڑھتی قیمتوں میں اضافے کے خلاف علامتی ہڑتال ہو گی۔
تمام ایل پی جی کی دوکانیں دن 12بجے تک بند رہیں گی، جب کہ 5 اور 6 اگست کو ملک بھر میں شٹر ڈاؤن ہو گا اور تمام ایل بی جی کی دکانیں مکمل طور پر بند رہیں گی۔
عرفان کھوکھر نے مطالبہ کیا کہ صارفین تک سرکاری قیمت پر گیس کی سپلائی کو یقینی بنایا جائے، اور ایل پی جی ڈیلرز کے خلاف بے وجہ کاروائیاں بند کی جائیں، پولیس و سرکاری اہلکاروں کی ایل پی جی کے کاروبار میں برائے راست مداخلت بند کی جائے۔
