-
-
سماجی پلیٹ فارم ٹوئٹر نے ٹوئٹ پڑھنے کے لیے عارضی طور پر حد مقرر کردی ہے، ٹوئیٹر کے مالک ایلون مسک نے نئی پالیسی کا اعلان کردیا ہے۔
ٹوئٹر کے مالک ایلون مسک نے اپنی ٹوئٹ کے ذریعے اعلان کیا کہ بلیو ٹک صارفین ایک دن میں 10 ہزار ٹوئٹس پڑھ سکیں گے، غیر تصدیق شدہ اکاؤنٹس رکھنے والے صارفین ایک دن میں ایک ہزار ٹوئٹس پڑھ سکیں گے۔ ٹوئٹر پر آنے والے نئے صارفین کے لیے ٹوئٹ پڑھنے کی حد صرف 500 ٹوئٹس ہوگی۔
Now to 10k, 1k & 0.5k
— Elon Musk (@elonmusk) July 1, 2023
ایلون مسک نے ٹوئٹ میں کہا کہ یہ فیصلہ ڈیٹا چوری اور تھرڈ پارٹی پلیٹ فارم کے ذریعے سسٹم میں ہیرا پھیری سے نمٹنے کے لیے کیا گیا ہے۔ ٹوئٹ پڑھنے کی حد مقرر کرنا اس طرح کے مسائل کی روک تھام کے لیے ایک اہم قدم ہے۔
ایلون مسک نے اپنے اعلان میں یہ واضح نہیں کیا کہ یہ پالیسی کتنے روز کے لیے لاگو ہوگی اور کون سے ادارے ڈیٹا چوری کررہے ہیں۔ ایک روز قبل ایلون مسک نے اعلان کیا تھا کہ اب ٹوئٹر اکاؤنٹ کے بغیر کسی بھی قسم کی ٹوئٹ پڑھنا ممکن نہیں ہوگا۔
انہوں نے کہا تھا کہ ڈیٹا چوری کے لیے زیادہ تر وہ کمپنیاں استعمال کی جارہی ہیں جو مصنوعی ذہانت کے ماڈلز بنانے کے لیے استعمال کررہی تھیں، جس کی وجہ سے ٹوئٹر کو مسائل کا سامنا ہے۔
This will be unlocked shortly. Per my earlier post, drastic & immediate action was necessary due to EXTREME levels of data scraping.
Almost every company doing AI, from startups to some of the biggest corporations on Earth, was scraping vast amounts of data.
It is rather…
— Elon Musk (@elonmusk) July 1, 2023
اے آئی چیٹ بوٹ متعارف کیے جانےکے بعد بہت سی کمپنیاں سوشل میڈیا سائٹس سے ریئل لایف کنورزیشن کے پروگرام متعارف کررہی ہیں۔
ایلون مسک کا کہنا تھا کہ سیکڑوں ادارے ٹوئٹر کے ڈیٹا کو چوری کرنے کی کوشش کررہی ہیں جس کی وجہ سے عام صارف کو پلیٹ فارم استعمال کرنے میں مشکل کا سامنا ہے۔
