ایشیا کپ کیلئے بھارت کے اسکواڈ کا اعلان، جسپریت بمراہ اور کےایل راہول بھی شامل

بھارتی کرکٹ بورڈ نے ایشیا کپ کیلئے بھارت کے 16 رکنی اسکواڈ کا اعلان کردیا۔ انجری مسائل سے دوچار کے اہل راہول اور شیریاس ایئر بھی اسکواڈ میں شامل ہیں۔ جسپریت بمراہ کو بھی اسکواڈ میں منتخب کیا گیا ہے۔

ایشیا کپ میں بھارتی کرکٹ ٹیم کی قیادت روہت شرما کریں گے۔ دیگر کھلاڑیوں میں شبھمن گل، ویرات کوہلی، شیریاس ایئر، سوریاکمار یادو، تلک ورما اور کے ایل راہول شامل ہیں۔

Here’s the Rohit Sharma-led team for the upcoming #AsiaCup2023 🙌#TeamIndia pic.twitter.com/TdSyyChB0b

— BCCI (@BCCI) August 21, 2023

ایشان کشن، ہاردک پانڈیا، روندر جڈیجا، شاردل ٹھاکر، اکشر پٹیل، کلدیپ یادوو، جسپریت بمراہ، محمدشامی، محمد سراج اور پرسدھ کرشنا کو بھی اسکواڈ میں منتخب کیا گیا ہے۔ سنجوسیمسن ریزرو کھلاڑیوں میں شامل ہیں۔

ایشیا کپ کا آغاز 30 اگست کو پاکستان اور نیپال کے درمیان میچ سے ہوگا یہ میچ ملتان کرکٹ اسٹیڈیم میں شیڈول ہے۔ ایشیا کپ کے 4 میچز پاکستان اور 9 سری لنکا میں شیڈول ہے۔ بھارتی ٹیم اپنے تمام میچز سری لنکا میں کھیلے گی۔

Hurmat Majid