-
-
الیکشن کمیشن آف پاکستان (ای سی پی) نے خیبر پختونخوا کے ضلع کرم میں جلسے میں شرکت کرنے کو وزیراعظم عمران خان کی جانب سے انتخابی ضابطہ اخلاق کی خلاف ورزی قرار دے دیا۔ ای سی پی نے وزیراعظم عمران خان پر 50 ہزار روپے کا جرمانہ عائد کردیا۔
ڈسٹرکٹ مانیٹرنگ افسر لوئر دیر کی جانب سے وزیراعظم عمران خان کو جرمانہ کیا گیا۔ ڈی ایم او کی جانب سے وزیراعظم کو 22 مارچ تک جرمانہ قومی خزانے میں جمع کرانے کی ہدایت کی گئی ہے۔ ڈی ایم او نے ہدایت کی کہ جرمانہ جمع کروا کر رسید فراہم کی جائے۔
وزیراعلیٰ خیبرپختونخوا محمود خان، گورنر شاہ فرمان، شاہ محمود قریشی، اسد عمر، مراد سعید، پرویز خٹک، صوبائی وزیر انور زیب، ایم پی اے لیاقت علی، لوئردیر سے پی ٹی آئی کے 7 تحصیل چیئرمین امیدواروں کو بھی 50-50 ہزار روپے جرمانہ ادا کرنے کا حکم دیا گیا ہے۔
ڈی ایم او کے حکم نامے کے مطابق جلسے کے دوران سرکاری مشینری کا استعمال ہوا، سرکاری وسائل کا استعمال سے الیکشن نتائج پر اثرانداز ہوسکتا ہے۔
