-
-
کراچی کی انسداد دہشت گردی عدالت نے متحدہ قومی موومنٹ (ایم کیو ایم) پاکستان کے رہنماؤں کے خلاف اشتعال انگیز تقریر میں سہولت کاری کیس کا فیصلہ سنا دیا۔
انسداد دہشت گردی عدالت نے بانی ایم کیوایم الطاف حسین کی تقاریر میں سہولت کاری کے الزام میں ملزمان کی بریت کی درخواست منظور کر لی۔
عدالت نے فاروق ستار سمیت 6 ملزمان کو بری کرنے کا حکم دے دیا، دیگر ملزمان میں قمر منصور، شاہدپ اشا، امجد اللّٰہ، ایم اسحاق اور محفوظ یار خان شامل ہیں۔
اس حوالے پولیس کا کہنا ہے کہ ملزمان کے خلاف عزیز آباد تھانے میں 2016 میں مقدمہ درج کیا گیا تھا، ملزمان پر بانی ایم کیو ایم کی اشتعال انگیز تقاریر میں سہولت کاری کا الزام تھا۔
