-
-
اسٹیٹ بینک آف پاکستان نے افسران کی تنخواہوں میں 30 فیصد تک اضافہ کیا ہے۔ تنخواہوں میں اضافے کا اطلاق یکم جولائی 2023 سے کیا جائے گا۔
میڈیا رپورٹس کے مطابق اسٹیٹ بینک کےبغیرپنشن والے افسران کی تنخواہوں میں 15 سے30 فیصد اضافہ کیاگیا۔ پنشن والے آفیسر گریڈ 1 سے 8 کے تمام افسران کی تنخواہوں میں 15 فیصداضافہ کر دیا گیا۔ بغیرپنشن والے اسٹیٹ بینک آفیسرگریڈ2کی تنخواہ میں 30فیصد اضافہ کیا گیا ہے۔
اسی طرح بغیر پنشن والے اسٹیٹ بینک آفیسر گریڈ 4 ،3 اور 5 کی تنخواہ میں 25 فیصد اضافہ اور بغیرپنشن والے اسٹیٹ بینک کے آفیسر گریڈ6کی تنخواہ میں 20فیصد اضافے کی منظوری دی گئی۔ بغیر پنشن والے اسٹیٹ بینک کے آفیسر گریڈ 7 اور 8 کی تنخواہ میں15فیصد اضافہ کیا گیا۔
