-
-
پاکستان پیپلز پارٹی کے شریک چئیرمین اور سابق صدر مملکت آصف علی زرداری نے آئندہ انتخابات میں بلاول بھٹو زرداری کی جیت کا دعویٰ کردیا۔
سماجی رابطے کے پلیٹ فارم ایکس پر پیپلز پارٹی کی جانب سے جاری ایک بیان میں آصف علی زرداری نے کہا کہ آٹھ فروری کا سورج بلاول بھٹو زرداری کی فتح کا پیغام لے کر طلوع ہوگا۔
آصف علی زرداری کا سندھ میں بلدیات کے ضمنی انتخابات میں جیت پر عوام سے اظہار تشکر
سندھ کے دل کراچی نے بھی جیئے بھٹو کا نعرہ لگا دیا، آصف علی زرداری
مرتضٰی وہاب اور سلمان عبداللہ مراد کی کامیابی اہل کراچی کا مخالفین کے لیئے خاص پیغام ہے، آصف علی زرداری
آصف علی زرداری کا…
— PPP (@MediaCellPPP) November 6, 2023
آصف علی زرداری کا مزید کہنا ہے کہ عوام کی مشکلات کے تھوڑے دن رہ گئے ہیں۔ پاکستان پیپلز پارٹی عوام کی تمام مشکلات کا خاتمہ کرے گی۔
آصف علی زرداری نے سندھ میں بلدیاتی ضمنی انتخابات میں جیت پر عوام سے اظہار تشکر کرتے ہوئے کہا کہ سندھ کے دل کراچی نے بھی جئے بھٹو کا نعرہ لگا دیا۔ مرتضٰی وہاب اور سلمان عبداللہ مراد کی کامیابی اہلِ کراچی کے مخالفین کے لیے خاص پیغام ہے۔
انہوں نے ضمنی انتخابات میں فتح پر پارٹی کارکنوں کو خراج تحسین پیش کیا اور ہدایت کی کہ پیپلزپارٹی کا ہر کارکن محترمہ بینظیر بھٹو شہید کا سفیر بن کر انتخابی مہم شروع کردے۔
