-
-
کراچی کے علاقے سعید آباد میں مسلح ملزمان 12 سالہ لڑکے سے اس کا دو سالہ بھانجا چھین کر فرار ہوگئے۔ پولیس کے مطابق موٹر سائیکل پر ملزم کے ساتھ ایک عورت بھی تھی۔
میڈیا رپورٹس کے مطابق کراچی کے علاقے سعید آباد سے 2 سالہ بچہ مبینہ طور پر اغوا ہو گیا ہے، جس کا مقدمہ والد ریاض کی مدعیت میں تھانہ سعید آباد میں درج کر لیا گیا ہے۔
یہ واقعہ ہفتے کی شام ساڑھے 7 بجے سعید آباد پیر بازار کے علاقے میں پیش آیا، جائے وقوع سے شواہد اکھٹے کیے جا رہے ہیں، ایس ایس پی کیماڑی عارف اسلم راؤ بچے کے والدین سے ملنے ان کے گھر پہنچ گئے۔
چے کے والد ریاض نے پولیس کو بتایا کہ وہ مزدوری کرتے ہیں، ’’دوپہر کو میری ساس آئی اور میرے بیٹے 2 سالہ سمیر کو اپنے گھر جی سیون اسٹاپ لے گئی، وہ اکثر پہلے بھی لے جاتی تھی۔
بچے کے والد کے بیان کے مطابق شام 8 بجے سالے نے بتایا کہ میرا چھوٹا بارہ سالہ چھوٹے کو پیدل لے کر گھر آ رہا تھا، اسی دوران موٹر سائیکل پر مرد اور خاتون آئے اور بچہ چھین کر فرار ہو گئے۔
پولیس حکام کا کہنا ہے کہ بچے کی بازیابی کے لیے مختلف مقامات پر چھاپے مارے گئے ہیں، تاحال کوئی کامیابی نہیں ملی، سی سی ٹی وی فوٹیج کی عدم فراہمی کے باعث تفتیش میں مشکلات کا سامنا ہے۔ پولیس حکام کے مطابق ملزمان کا روٹ میپ تیار کرنے کی کوشش کی جا رہی ہے، ملزمان کی گرفتاری کے لیے ٹیم بھی تشکیل دی جائے گی۔
