-
-
کراچی پولیس کے نئے چیف ایڈیشنل آئی جی غلام نبی میمن کا کہنا ہے کہ شہر قائد میں بڑھتے ہوئے اسٹریٹ کرائم کی ایک وجہ بے روز گاری بھی ہے جسکی وجہ سے وارداتوں میں اضافہ ہورہا ہے لیکن پولیس جرائم پیشہ افراد کو لگام ڈالنے کیلئے پوری کوشش کررہی ہے۔
ایڈیشنل آئی جی غلام نبی میمن نے صحافی اطہر متین کی ہلاکت پر افسوس کا اظہار کرتے ہوئے کہا کہ قاتلوں سے متعلق اہم شواہد حاصل کرلئے ہیں جلد انکو گرفتار کرلیا جائے گا۔ قاتلوں کی گرفتاری کیلئے پوری کوشش کریں گے اسٹریٹ کرائم کے حوالے سے ہماری پالیسی واضح ہے۔
ایڈیشنل آئی جی کے مطابق جرائم کی روک تھام کے لئے پولیس کو بہترین کوشش کرنی چاہئے۔ اسٹریٹ کرمنلز کا پرانا ریکارڈ دیکھ کر انکی شناخت کرنا چاہئے۔ اسٹریٹ کرمنلز جن بستیوں رہتے ہیں وہاں انٹیلی جینس بنیادوں پر کاروائی کرنی چاہئے۔ اسٹریٹ کرائم بڑھنے کی ایک وجہ بے روز گاری بھی بتائی جاتی ہے۔
غلام نبی میمن کا کہنا تھاکہ اکثر منشیات استعمال کرنے والے بھی اسٹریٹ کرائم میں ملوث ہوتے ہیں۔ وہ اسطرح کے کرائم کرکے اپنی مشیات کا بندوبست کرتے ہیں۔ پولیس نے ہمیشہ ہر طرح کا چیلنج قبول کیا ہے ان حالات سے بھی ضرور نمٹ لیں گے۔
