-
-
پاکستان کے سب سے بڑے شہر کراچی میں اسٹریٹ کرائم پر قابو نہ پایا جاسکا۔ شہرقائد میں ڈاکوؤں نے شہری سے لوٹ مار کی جسکے بعد شہری نے ڈاکوؤں پر فائرنگ کردی جس سے 2 ڈاکو ہلاک ہوگئے۔
واقعہ کراچی کے علاقے صدر میں جامع کلاتھ مارکیٹ کے قریب پیش آیا۔ آج نیوز کی رپورٹ کے مطابق کاشف نامی شہری اپنی فیملی کے ہمراہ موجود تھا کہ موٹرسائیکل پر سوار ڈاکوؤں نے ان سے لوٹ مار کی۔
ڈاکو لوٹ مار کرکے جارہے تھے کہ پیچھے سے کاشف نامی شہری نے ڈاکوؤں پر فائرنگ کردی جس سے 2 ڈاکو موقع پر ہلاک ہوگئے جبکہ ایک زخمی ہوگیا۔
