-
-
پاکستان کے سب سے بڑے شہر کراچی میں گزشتہ چند روز سے بادل چھائے ہوئے ہیں لیکن مطلع ابر آلود ہونے کے باوجود موسم گرم اور مرطوب ہے۔
محکمہ موسمیات نے شہرقائد میں آج بھی موسم گرم اور مرطوب رہنے کا امکان ظاہر کیا ہے۔ کراچی شہر میں آئندہ 24 گھنٹے بھی مطلع جزوی ابر آلود رہے گا اور بادلوں کا آنا جانا لگا رہے گا۔
محکمہ موسمیات کے مطابق شہر میں آج بھی تیز ہوائیں چلتی رہیں گی، اس دوران زیادہ سے زیادہ درجہ حرارت 34 سے 36 ڈگری سینٹی گریڈ تک پہنچ سکتا ہے جب کہ کم سےکم درجہ حرارت 28.5 ڈگری سینٹی گریڈ ریکارڈ کیا گیا۔
محکمہ موسمیات کے مطابق ہوا میں نمی کا تناسب 85 فیصد ہے جب کہ جنوب مغرب سے چلنے والی ہواؤں کی رفتار27 کلو میٹر فی گھنٹہ ہے۔
