-
-
وزیراعلی سندھ مرادعلی شاہ نے کورونا کے کیسز مذید بڑھنے پر دوبارہ پابندیاں عائد کرنے کا عندیہ دے دیا۔ وزیراعلی سندھ نے عوام سے کورونا ایس او پیز پر سختی سے عملدرآمد کرنے کی ہدایت بھی کردی۔
وزیراعلیٰ سندھ سید مراد علی شاہ کی زیر صدارت کورونا ٹاسک فورس کا اجلاس ہوا ہے۔ وزیراعلیٰ سندھ نے صوبے میں اور خاص طور کراچی میں ٹیسٹنگ بڑھانے کی ہدایت کردی۔
مرادعلی شاہ نے عوام ویکسی نیشن اور بوسٹر لگوانے کی بھی اپیل کی انکا کہنا تھا کہ عیدالاضحیٰ اور محرم کے بڑے ایونٹس آرہے ہیں، ان ایونٹس سے پہلے ہی ہمیں کورونا کی شرح کو نیچے لانا ہے۔
وزیراعلیٰ سندھ کا کہنا تھا کہ عوام احتیاطی تدابیر اپنائیں اور کورونا کے شرح کو کم کریں، اگر کورونا کے کیسز مذید بڑھے تو شاید حکومت کو پھر سخت اقدامات لینے پڑ جائیں۔ انہوں نے کہا کہ عوام ماسک پہنے، سماجی دوری کو یقینی بنائیں ، ہاتھ دھلے اور سینی ٹائزر کیے جائیں۔
واضح رہے اجلاس کے دوران سیکریٹری صحت سندھ نے کورونا صورتحال پر بریفنگ دیتے ہوئے کہا کہ کراچی میں کورونا کیسز 24 جون سے بڑھنا شروع ہوئے ہیں جبکہ کورونا کےہفتہ وار 19 فیصد کیسز رپورٹ ہو رہے ہیں۔
ترجمان وزیراعلی سندھ کا کہنا ہے کہ اس وقت کورونا کے کل مریضوں کی تعداد 63 ہے جن میں 4 وینٹی لیٹرزپرہیں۔24جون کو 248 کیسز تھے اور 26 جون کو337، 28 جون کو431 اور 30 جون کو 465 کیسز رپورٹ ہوئے.
وزیراعلیٰ سندھ نے کہا کہ کراچی میں کورونا کیسز کا سب سے زیادہ ہفتہ وار تناسب ہے جب کہ جیکب آباد میں 3 فیصد، جامشورو 3 فیصد، سکھر 2 فیصد اور ٹھٹھہ میں 2 فیصد کیسز ہیں۔
