-
-
کراچی میں کھلے مین ہول نے ایک اور معصوم کی جان لے لی۔ بلدیہ ٹاؤن میں 4 سالہ بچہ گلی کے گٹر میں گر کر جاں بحق ہوگئی۔ لاش کو اسپتال منتقل کردیا گیا۔
میڈیا رپورٹ کے مطابق کراچی کےعلاقے بلدیہ میں مواچھ گوٹھ غازی خان کے واڑہ کے قریب گلی کے کھلے گٹر میں گر کر چار سالہ بچی جاں بحق ہوگئی۔
بچی کی شناخت عمرہ بلوچ کے نام سے ہوئی ہے جس کی لاش کو مرشد اسپتال منتقل کردیا ہے۔ علاقہ مکینوں کے مطابق بچی گلی میں کھیل رہی تھی کہ اچانک گٹر میں گر گئی جس کی لاش کو شہریوں نے اپنی مدد آپ کے تحت گٹر سے نکالا ہے۔
بچی کے ورثا نے قانونی کارروائی سے انکار کرتے ہوئے لاش کو نجی اسپتال سے گھر لے گئے ہیں۔ موچکو پولیس کا کہنا ہے کہ بچی کے ورثاء سے رابطے کی کوشش اور واقعے کے حوالے سے مزید تفصیلات بھی حاصل کرر ہے ہیں۔
