-
-
پاکستان میں صوبہ سندھ کے بعد صوبہ خیبرپختونخوا کے ضلع ڈیرہ اسماعیل خان سے بھی تیل اور گیس کے ذخائر دریافت ہوگئے۔ گزشتہ ہفتے ضلع سانگھڑ میں بھی تیل اور گیس کے ذخائر دریافت ہوئے تھے۔
پٹرولیم ڈویژن کی طرف سے جاری کیے گئے اعلامیے کے مطابق خیبرپختونخواہ کے ضلع ڈیرہ اسماعیل خان سے تیل اور گیس کے نئے ذخائر دریافت ہوئے ہیں۔
ابتدائی طور پر نئے کنویں سے یومیہ 39 اعشاریہ 12 ملین ایم ایم سی ایف ڈی گیس ملے گی۔ نئے ذخیرے سے یومیہ 1 ہزار 840 بیرل تیل بھی حاصل ہوگا۔
پٹرولیم ڈویژن کے مطابق رواں سال کے دوران تیل اور گیس کی یہ 15ویں دریافت ہے، نئی دریافت سے تیل اور گیس کی درآمدات پر انحصار میں کمی ہوگی۔
گزشتہ ایک ماہ کے دوران سندھ کے ضلع سانگھڑ سے بھی تیل اور گیس کے نئے ذخائر دریافت ہوئے ہیں۔ ماہرین کے مطابق تیل اور گیس کے ذخائر دریافت ہونے سے درآمدات پر فرق پڑے گا۔
