اکتوبر 1, 2024

پاکستان میں ایندھن کے ذرائع میں لکڑی کے استعمال میں کمی کا انکشاف

by Abdul Jabbar Nasir
0 Comments
328 Views

ایندھن کا بحران

پاکستان کا شماربھی ان ممالک میں ہوتا ہے جو اس وقت توانائی اور ایندھن کے بحران یا کمی کا شمار ہیں۔ ماضی میں ایندھن کے حوالے پاکستان زیادہ پریشان نہیں رہا، کیونکہ ایندھن میں استعمال ہونے والی بنیادی اشیاء لکڑی اورقدرتی گیس کے وسیع ذخائرموجود تھے۔ تاہم گیس کے بے دریغ استعمال اورجنگلات کی ظالمانہ کٹائی کے باعث پاکستان کے کئی علاقوں میں یہ بحران شدت اختیار کر گیا ہے ۔ بدقستمی سے شجر کاری اور ایندھن کے متبادل ذرائع پر حکومت اورعوام نے توجہ نہیں دی۔ خدشہ ظاہر کیا جارہا ہے کہ پاکستان نے فوری طورپر ایندھن کے متبادل ذرائع اورجنگی بنیادوں پرشجر کاری پر توجہ نہ دی تو 2030ء تک پاکستان میں ایندھن کا بحران انتہائی شدید ہوسکتا ہے۔

رپورٹ ٹائمز آف کراچی

اس رپورٹ (بمع چارٹ ) میں” ٹائمز آف کراچی ” نے چھٹی مردم شماری 2017ء اور ساتویں و پہلی ڈیجٹیل مردم شماری 2023ء کے اعدادشمار کی بنیاد پر پاکستان میں استعمال ہونے والے ایندھن کے استعمال کا تجزیہ کیا ہے۔ ادارہ شماریات کی جاری رپورٹ کے مطابق مردم شماری 2017ء کے مقابلے میں مردم شماری 2023ء میں پاکستان میں ایندھن کے لئے لکڑی استعمال کرنے والوں کی تعداد میں مجموعی طور پر 5.72 فیصد کمی ہو ئی ہے ۔ جبکہ گیس استعمال کرنے والی کی تعداد میں انتہائی معمولی اوردیگر ذرائع والوں کی تعداد میں پونے 2 فیصد کا اضافہ ہوا ہے۔ لکڑی کے استعمال میں یہ کمی ملک بھر میں آئی ہے۔ اعداد و شمار کےمطابق ملک میں 6 برس کے دوران گھرانوں کی تعداد میں 19.98 فیصد جبکہ لکڑی کے شرح استعمال میں اضافہ 14.26 فیصد ہے، یعنی 5.72 فیصد نے ایندھن کے لئے دیگر ذرائع کا انتخاب کیا ہے۔ مختلف ذرائع کے دعووں کے مطابق حالیہ چند برسوں میں ایندھن کے لئے لکڑی اور گیس کے بجائے دیگر ذرائع کی جانب اچھے خاصے لوگوں نے رخ کیا ہے۔ امکان ہے کہ ملک میں دیگر ذرائع پر انحصار کی رفتار میں اضافہ جاری رہےگا۔

پاکستان

سرکاری اعدادوشمار کے مطابق چھٹی مردم شماری 2017ء کے مطابق ملکی سطح پر ایندھن کے لئے 58.44 فیصد گھرانوں میں لکڑی ، 37.86 فیصد میں گیس، 0.19 فیصد میں مٹی کا تیل اور 3.5 فیصد گھرانوں میں دیگر ذرائع استعمال ہوتے تھے۔ ساتویں ڈیجیٹیل مردم شماری 2023ء کے اعداد و شمار کے مطابق ملک میں ایندھن کے طور پر 52.72 فیصد گھرانے لکڑی، 37.83 گیس، 4.20 فیصد ایل پی جی یا ایل این ج اور5.25 فیصد دیگر ذرائع استعمال کر رہے ہیں، لکڑی کا استعمال مردم شماری 2017ء کے مقابلے میں گھرانوں کی مجموعی شرح اضافہ کے حساب سے5.72 فیصد کم ہے۔ ماہرین ایندھن کے لئے لکڑی پر کم انحصار کو مثبت قرار دے رہے ہیں ۔

رپورٹ: عبدالجبارناصر				پاکستان مردم شماری 2023ء
پورے ملک ، وفاقی دارالحکومت اور چاروں صوبوں میں مردم شماری 2023ء اورمردم شماری 2017ءکے مطابق گھروں میں کھانہ پکانےکے ذرائع (تعداد۔ فیصد)
مردم شماری 2017ءایندھن کے ذرائع								گھرانے	مردم شماری 2023ء ایندھن کے ذرائع								گھرانے	۔	نام انتظامی یونٹ	نمبر شمار
دیگر		مٹی کا تیل		گیس		لکڑی		کل	دیگر		لکڑی		LPG/LNG		گیس		کل	کیفیت
فیصد	تعداد	فیصد	تعداد	فیصد	تعداد	فیصد	تعداد	تعداد	فیصد	تعداد	فیصد	تعداد	فیصد	تعداد	فیصد	تعداد	تعداد	۔
3.51	1,119,957	0.19	60,942	37.86	12,082,366	58.44	18,652,619	31,915,884	5.25	2,009,525	52.72	20,188,669	4.20	1,609,038	37.83	14,485,324	38,292,556	کل	پاکستان	1
3.81	756,358	0.22	42819	14.43	2862798	81.54	16,175,168	19,837,143	7.41	1,723,868	75.16	17488204	2.91	676413	14.53	3380382	23,268,867	دیہی
3.01	363,599	0.15	18123	76.33	9219568	20.51	2,477,451	12,078,741	1.90	285,657	17.97	2700465	6.21	932625	73.92	11104942	15,023,689	شہری
4.12	700,368	0.11	18,396	37.92	6,445,788	57.85	9,835,133	16,999,685	5.22	1,035,858	49.94	9908476	5.40	1071763	39.43	7823883	19,839,980	کل	پنجاب	2
4.26	453,135	0.10	10,493	14.94	1,588,205	80.70	8,580,856	10,632,689	7.646150478	895,541	72.80	8,526,478	3.63	425,292	15.92	1,865,001	11,712,312	دیہی
3.88	247,233	0.12	7,903	76.29	4,857,583	19.70	1,254,277	6,366,996	1.726411561	140,317	17.00	1,381,998	7.95	646,471	73.32	5,958,882	8,127,668	شہری
2.80	237,075	0.31	26,533	47.39	4,017,385	49.50	4,197,054	8,478,047	5.89	580,444	44.80	4,418,445	1.94	191,641	47.37	4,672,340	9,862,870	کل	سندھ	3
3.96	164,307	0.46	18,937	11.82	490,307	83.76	3,474,900	4,148,451	10.35721196	488,724	77.94	3,677,554	0.70	32,810	11.01	519,595	4,718,683	دیہی
1.68	72,768	0.18	7,596	81.46	3,527,078	16.68	722,154	4,329,596	1.782983395	91,720	14.40	740,891	3.09	158,831	80.73	4,152,745	5,144,187	شہری
1.77	77,364	0.10	4,566	22.55	982,970	75.58	3,295,113	4,360,013	3.16	185,096	71.38	4,184,082	2.90	169,903	22.56	1,322,376	5,861,457	کل	خیبر پختونخوا	4
1.55	55,909	0.10	3,544	13.22	477,388	85.13	3,073,836	3,610,677	3.450516781	170,756	80.08	3,962,805	2.36	117,024	14.11	698,123	4,948,708	دیہی
2.86	21,455	0.14	1,022	67.47	505,582	29.53	221,277	749,336	1.571078139	14,340	24.24	221,277	5.79	52,879	68.39	624,253	912,749	شہری
3.61	63,091	0.62	10,772	24.01	419,172	71.76	1,252,959	1,745,994	8.81	204,056	70.06	1,623,565	3.27	75,822	17.86	413,813	2,317,256	کل	بلوچستان	5
4.19	53,632	0.73	9,408	16.43	210,419	78.65	1,007,417	1,280,876	10.02908952	166,798	77.83	1,294,488	2.10	35,004	10.03	166,852	1,663,142	دیہی
2.03	9,459	0.29	1,364	44.88	208,753	52.79	245,542	465,118	5.695949024	37,258	50.31	329,077	6.24	40,818	37.76	246,961	654,114	شہری
12.66	42,059	0.20	675	65.35	217,051	21.79	72,360	332,145	0.99	4,071	13.16	54,101	24.31	99,909	61.54	252,912	410,993	کل	اسلام آباد	6
17.86	29,375	0.27	437	58.67	96,479	23.20	38,159	164,450	0.90654892	2,049	11.89	26,879	29.33	66,283	57.88	130,811	226,022	دیہی
7.56	12,684	0.14	238	71.90	120,572	20.39	34,201	167,695	1.093144331	2,022	14.72	27,222	18.18	33,626	66.01	122,101	184,971	شہری
نوٹ: (۱) ٹائمز آف کراچی (TOK) نے اس چارٹ کی تیاری میں انتہائی احتیاط سے کام لیا ہے، اگر کوئی غلطی ہوئی ہے تو وہ سہواً ہے۔ (۲) یہ چارٹ پورے ملک، چاروں صوبوں اور وفاقی دارالحکومت اسلام آباد کے اعداد و شمار پر مشتمل ہے۔ (۳) یہ چارٹ ادارہ شماریات پاکستان (PBS) کے تحت ساتویں اور پہلی ڈیجیٹل مردم شماری 2023ء اور چھٹی مردم شماری 2017ء کے اعداد و شمار پر مبنی ہے۔

پنجاب

مردم شماری 2017ء کے مطابق صوبہ پنجاب میں 57.85 فیصد لکڑی، 37.92 فیصد گیس، 0.11 فیصد مٹی کا تیل اور4.12 فیصد گھرانے ایندھن کے لئے دیگر ذرائع استعمال کر رہے تھے۔ جبکہ مردم شماری 2023ء کے مطابق 49.94 فیصد لکڑی، 39.43 فیصد گیس، 5.40 فیصد ایل پی جی یا این ایل جی اور 5.22 فیصد گھرانے دیگر ذرائع استمال کر رہے ہیں۔ پنجاب میں 6 سال کے دوران ایندھن کے لئے مختلف ذرائع استعمال کرنے والے گھرانوں میں مجموعی طور پر 16.71 فیصد کا اضافہ ہوا ہے۔ پنجاب میں لکڑی کو بطور ایندھن استعمال کرنے والوں کے شرح اضافے میں تقریباً 9 فیصد کمی اورگیس، این ایل جی / ایل پی جی اور دیگر ذرائع استعمال کرنے والوں کی شرح میں نمایاں اضافہ رہا ہے۔

سندھ

مردم شماری 2017ء کے مطابق صوبہ سندھ میں 49.50 فیصد گھرانے ایندھن کے لئے لکڑی، 47.39 فیصد گیس، 0.31 فیصد مٹی کا تیل اور2.80 فیصد گھرانے ایندھن کے لئے دیگر ذرائع استعمال کر رہے تھے، جبکہ مردم شماری 2023ء کے مطابق 44.80 فیصد گھرانے ایندھن کے طور پر لکڑی، 47.37 فیصد گیس، 1.94 فیصد ایل پی جی یا این ایل جی اور 5.89 فیصد گھرانے دیگر ذرائع استعمال کر رہے ہیں۔ سندھ میں 6 سال کے دوران ایندھن کے لئے مختلف ذرائع استعمال کرنے والے گھرانوں میں مجموعی طور پر 16.33 فیصد کا اضافہ ہوا ہے۔ سندھ میں لکڑی اورگیس استمعال کرنے والوں کی تعداد میں کمی، جبکہ این ایل جی / ایل پی جی اور دیگر ذرائع والوں کی شرح میں واضع اضافہ نظر آیا ہے۔

خیبرپختونخوا

مردم شماری 2017ء کے مطابق صوبہ خیبرپختونخوا میں 75.58 گھرانے اندھن کے طور پر لکڑی، 22.55 فیصد گیس، 0.10 فیصد مٹی کا تیل اور1.77 فیصد گھرانے ایندھن کے لئے دیگر ذرائع استعمال کر رہے تھے۔ جبکہ مردم شماری 2023ء کے مطابق 71.38 فیصد گھرانے لکڑی، 22.56 فیصد گیس، 2.90 فیصد ایل پی جی یا این ایل جی اور 3.16 فیصد گھرانے دیگر ذرائع کو بطور توانائی استمال کر رہے ہیں۔ خیبرپختونخوا میں 6 سال کے دوران ایندھن کے لئے مختلف ذرائع استعمال کرنے والے گھرانوں میں مجموعی طور پر 34.44 فیصد کا اضافہ ہوا ہے۔ خیبرپختونخوا میں لکڑی استعمال کرنے والوں کی تعداد میں کمی، جبکہ این ایل جی / ایل پی جی اور دیگر ذرائع والوں کا شرح نمایاں اضافہ ہوا ہے۔ جبکہ گیس والوں کے شرح اضافہ تقریباً مستحکم رہا ہے۔

بلوچستان

مردم شماری 2017ء کے مطابق صوبہ بلوچستان میں 71.76 گھرانے بطور ایندھن لکڑی، 24.01 فیصد گیس، 0.62 فیصد مٹی کا تیل جبکہ 3.61 فیصد گھرانے ایندھن کے لئے دیگر ذرائع استعمال کر رہے تھے، مردم شماری 2023ء کے مطابق 70.06 فیصد گھرانے لکڑی، 17.86 فیصد گیس، 3.27 فیصد ایل پی جی یا این ایل جی اور 8.81 فیصد گھرانے ایندھن کے لئے دیگر ذرائع استعمال کر رہے ہیں۔ بلوچستان میں 6 سال کے دوران ایندھن کے لئے مختلف ذرائع استعمال کرنے والے گھرانوں میں مجموعی طور پر 32.72 فیصد کا اضافہ ہوا ہے۔ بلوچستان میں لکڑی اورگیس استمعال کرنے والوں کی تعداد میں کمی، جبکہ این ایل جی / ایل پی جی اور دیگر ذرائع والوں کا شرح اضافہ کافی ذیادہ ہوا ہے ۔

اسلام آباد

مردم شماری 2017ء کے مطابق وفاقی دارالحکومت میں 21.79 گھرانے ایندھن کے طور پر لکڑی، 65.35 فیصد گیس، 0.29 فیصد مٹی کا تیل اور12.66 فیصد گھرانے ایندھن کے لئے دیگر ذرائع استعمال کر رہے تھے، جبکہ مردم شماری 2023ء کے مطابق 13.16 فیصد گھرانے لکڑی، 61.54 فیصد گیس، 24.31 فیصد ایل پی جی یا این ایل جی اور 0.99 فیصد گھرانے ایندھن کے دیگر ذرائع استعمال کر رہے ہیں۔ وفاقی دارالحکومت اسلام آباد میں 6 سال کے دوران ایندھن کے لئے مختلف ذرائع استعمال کرنے والے گھرانوں میں مجموعی طور پر 23.74 فیصد کا اضافہ ہوا ہے۔ اسلام آباد میں لکڑی اورگیس استمعال کرنے والوں کی تعداد میں کمی، جبکہ این ایل جی / ایل پی جی اور دیگر ذرائع والوں کا شرح اضافہ نمایاں رہا ہے ۔

خلاصہ

ایندھن کے لیے لکڑی اور گیس کے استعمال میں وفاقی دارالحکومت اسلام آباد اور چاروں صوبوں کے مردم شماری 2017ء اور مردم شماری 2023ء کے چارٹ میں شامل اعداد و شمار کا جائز لیا جائے تو صورتحال کچھ بہتر ہے، تاہم آئندہ ایندھن کے بحران سے بچنے کے لئے ہنگامی بنیادوں پر کام کرنے کی ضرورت ہے۔ اسی طرح شجرکاری کو حکومت اور ادارے ترجیح میں رکھیں تو صورتحال مزید بہتر ہوسکتی ہے۔ اس سے ماحولیات پر مثبت اثرات مرتب ہونگے۔