-
-
صوبہ پنجاب کے شہر رحیم یار خان میں علامہ اقبال ایکسپریس کے انجن میں آگ لگنے سے ٹرینوں کی آمد ورفت معطل ہو گئی، آگ لگنے کے نتیجے میں کسی جانی نقصان کی اطلاع نہیں ملی۔
ریلوے حکام کے مطابق علامہ اقبال ایکسپریس کے انجن میں آگ لگنے کا واقعہ فیروزہ کے قریب پیش آیا، جس کے باعث اپ ٹریک پر ٹرینوں کی آمد رفت معطل ہو گئی۔
ریلوے حکام کا کہنا ہے کہ علامہ اقبال ایکسپریس ٹرین کراچی سے سیالکوٹ جارہی تھی ۔ اپ ٹریک بلاک ہونے کے باعث مسافر ٹرینوں کو مختلف اسٹیشنوں پر روک دیا گیا۔
