وزیراعلی سندھ سید مراد علی شاہ کی ہدایت پر پرائس کنٹرول پروگرام پر کام شروع کردیا گیا۔ کمشنر کراچی سلیم راجپوت کی جانب سے مختلف اشیائے خردونوش کی قیمتوں کے نوٹیفکیشن جاری کردئے گئے۔
کمشنر کراچی کی فہرست کے مطابق دودھ کی ڈیری فارمر قیمت 180 روپے، ہول سیل 188 روپے اور ریٹیل کی قیمت 200 روپے فی لیٹر مقرر کی گئی ہے۔
چینی کی ہول سیل قیمت 123 روپے اور ریٹل پرائس 130 روپے رکھی گئی ہے۔ ایکس فلور مل آٹا 120 روپے، ہول سیل 123 روپے اور رٹیل 128 روپے قیمت مقرر ہے۔ فائن ایکس فلور مل آٹا 130 روپے، ہول سیل 133 روپے اور رٹیل 138 روپے قیمت مقرر ہے۔ چکی آٹے کی رٹیل قیمت 140 روپے مقرر کی گئی ہے۔
بکرے کے گوشت کی قیمت 1700 روپے، بکری کا گوشت 1450 روپے اور دمبا 1590 روپے فی کلو مقرر ہے۔ زندہ فارمی مرغی فارم قیمت 366 روپے، ہول سیل 378 روپے اور رٹیل 386 روپے جبکہ مرغی کا گوشت 598 روپے فی کلو مقرر ہے۔
ترجمان وزیراعلی سندھ کے مطابق کمشنر کراچی کی جانب سے کریانہ اور بیکری آئٹمز کی بھی اشیائے کی قیمتوں کے نوٹیفکیشن جاری کئے گئے ہیں۔ ترجمان کے مطابق قیمتوں کو کنٹرول کرنے کے لئے انتظامیہ پرائس چیک کرے گی۔
