چیئرمین پی ٹی آئی عمران خان نے چیف جسٹس اسلام آباد ہائی کورٹ عامر فاروق پر عدم اعتماد کا اظہار کردیا۔ عمران خان نے چیف جسٹس سے انکے کیسز نہ سننے کی درخواست بھی جمع کرادی۔
پاکستان تحریک انصاف کے سوشل میڈیا اکاؤنٹ سے چیف جسٹس اسلام آباد ہائی کورٹ کے خلاف عدم اعتماد کی جمع کرائی گئی درخواست کی تصویر شیئر کی گئی۔ درخواست میں چیف جسٹس اسلام آباد ہائیکورٹ سے عمران خان کی درخواستیں سننے سے معذرت کرنے کی استدعا کی گئی ہے۔
عمران خان کی طرف سے چیف جسٹس اسلام آباد ہائی کورٹ عامر فاروق کے خلاف عدم انصاف اور عدم اعتماد کی درخواست دائر ، آپ سے مجھے انصاف کی توقع نہیں آپ نے متعدد مواقعوں پر میرے خلاف کسی ذاتی و دیگر وجوہات کی وجہ سے خلاف قانون فیصلے دئیے
آئیندہ آپ سے گزارش ہے کہ میرا کوئی کیس آپ نہ سنیں pic.twitter.com/E509dJaZyi— PTI (@PTIofficial) July 3, 2023
اسلام آباد ہائیکورٹ میں دائر کی گئی اس درخواست میں کہا گیا ہے کہ عمران خان کو یقین ہے کہ اِس بینچ سے شفاف اور غیرجانبدار انصاف نہیں ملے گا۔
تحریک انصاف کے ٹوئٹر اکاؤنٹ پر بتایا گیا ہے کہ درخواست کے متن میں لکھا ہے کہ آپ سے مجھے انصاف کی توقع نہیں۔ آپ نے متعدد مواقعوں پر میرے خلاف کسی ذاتی و دیگر وجوہات کی وجہ سے خلاف قانون فیصلے دیے۔ آئندہ آپ سے گزارش ہے کہ آپ میرا کوئی کیس نہ سنیں۔
واضح رہے کہ سیشن کورٹ کے فیصلے کے خلاف چیئرمین پی ٹی آئی کی اپیلیں چیف جسٹس اسلام آباد ہائی کورٹ کی عدالت میں زیر سماعت ہیں۔ درخواست میں ڈسٹرکٹ الیکشن کمیشن کو فریق بنایا گیا ہے۔
