وزیراعظم پاکستان عمران خان نے پاکستان کے معروف یوٹیوبرز کو وزیراعظم ہاؤس بلایا ہے۔ وزیراعظم ملکی صورتحال پر اہم ہدایات دیں گے۔
میڈیا رپورٹس کے معروف ویڈیو ویب سائٹ یوٹیوب پر اپنی ویڈیوز کے ذریعے عوام میں مقبول رہنے والے افراد کو وزیراعظم ہاؤس طلب کیا گیا۔ ان یوٹیوبرز میں صرف وہ لوگ شامل ہیں جو سوشل میڈیا پر پی ٹی آئی کی حمایت میں ویڈیوز اور رائے عامہ ہموار کرتے ہیں۔
وزیراعظم پاکستان عمران خان ان یوٹیوبرز کو موجودہ صورتحال میں اہم کردار ادا کرنے کیلئے خاص ہدایات دیں گے۔ عمران خان نے گزشتہ برس کے آغاز پر بھی معروف یوٹیوبرز اور ڈیجیٹل پبلشرز سے ملاقات کی تھی۔
واضح رہے ان دنوں حکومت کو اپوزیشن کی جانب سے شدید مخالفت کا سامنا ہے۔ اپوزیشن نے وزیراعظم عمران خان کے خلاف عدم اعتماد کی تحریک لانے کا اعلان کیا ہے۔
