-
-
مہنگائی کی ستائی عوام پر حکومت نے ایک اور بوجھ ڈال دیا۔ شہریوں کو اب نئی گاڑی خریدنے پر بھاری ٹیکس ادا کرنا ہوگا۔ نئی گاڑی کی رجسٹریشن اور ٹرانسفر پر ود ہولڈنگ ٹیکس میں 100 فیصد اضافہ کردیا گیا ہے۔
حکومتی موقف کے مطابق گاڑیوں کی بلیک میں فروخت اور اون کے خاتمہ کیلئے یہ قدم اٹھایا گیا ہے۔ شوروم یا انویسٹر بکنگ کے بغیر خریدی گئی گاڑی پہلے اپنے نام پر رجسٹرڈ کرواتے ہیں جسے اون لے کر خریدار کے نام پر ٹرانسفر کردیا جاتا ہے۔
حکومت کا کہنا ہے کہ نئی گاڑی کی رجسٹریشن کے فوری بعد ٹرانسفر پر عائد ودہولڈنگ ٹیکس 100 فیصد بڑھانے سے اس رجحان کا خاتمہ ممکن ہوسکے گا۔
تفصیلات کے مطابق 1000 سی سی تک کی گاڑیوں پر ٹیکس 50 ہزار سے بڑھا کر ایک لاکھ کردیا گیا ہے جبکہ ایک ہزار سے دو ہزار سی سی تک کی گاڑیوں پر ٹیکس ایک لاکھ سے بڑھا کر 2 لاکھ روپے کردیا گیا ہے۔
اسی طرح 2 ہزار سی سی سے اوپر کی گاڑیوں پرود ہولڈنگ ٹیکس 2 لاکھ روپے کے بجائے اب 4 لاکھ روپے دینا ہو گا۔
