مری میں شدید برفباری اور ٹریفک جام میں پھنس کی جاں بحق ہونے والوں کی تفصیلات سامنے آگئی ہیں۔ ریسکیو 1122 کی جاری کردہ تفصیلات کے مطابق مجموعی طورپر 20 افراد کی اموات ہوئی ہیں۔ جس میں کراچی کا شہری بھی شامل ہے۔ کراچی کے محمدبلال حسین ولد سید غوث خان گزشتہ رات شدید برفباری کے نتیجہ میں زندگی کی بازی ہارگئے۔ 24سالہ محمدبلال کار نمبر VXR-424 میں پائے گئے۔
انکے علاوہ آسلام آباد کے اے ایس آئی پولیس نوید اقبال ، انکی اہلیہ ، 4 بیٹیاں اور 2 بیٹے بھی مری میں جاں بحق ہونے والوں میں شامل ہے، راولپنڈی کے 4، مردان کے 3، لاہور کے 2، گوجرانوالہ اور کمال آباد کے ایک ایک شخص کی مری میں برفباری اور سردی کے نتیجہ میں اموات ہوئی ہیں۔
ریسکیو1122 کے مطابق مری میں گزشتہ روز 11بجے سے شدید برفباری اور ٹریفک جام کے نتیجہ میں لوگ پھنسے ہوئے ہیں جنہیں ریسکیو کرنے کے لئے آپریشن جاری ہے۔برف باری ہونے کی وجہ سے لاکھوں افراد نے گزشتہ روز مری کا رخ کیا تھا، برف باری کی وجہ سے متعدد گاڑیاں سڑکوں پر پھنس گئیں اور ہزاروں سیاحوں نے گزشتہ رات سڑکوں پر گزاری۔
