-
-
لاہور: احتساب عدالت نے ایل این جی ریفرنس میں شاہد خاقان عباسی اور سابق وفاقی وزیر مفتاح اسماعیل پر فرد جرم عائد کر دی۔
احتساب عدالت کے جج اعظم خان نے ایل این جی کیس کے ملزمان پر فردجرم عائد کی، عدالت نے سابق وفاقی وزیر مفتاح اسماعیل پر بھی فرد جرم عائد کردی ہے۔ سابق وزیراعظم شاہد خاقان عباسی نے فرد جرم سے انکار کر دیا۔ انہوں نے موقف اختیار کیا کہ ایل این جی منصوبے میں کرپشن الزامات کو مسترد کرتا ہوں، اپنی بے گناہی ثابت کروں گا۔ مفتاح اسماعیل کو بھی چارج شیٹ کی کاپی فراہم کی گئی ہے۔
نیب کی شاہد خاقان اور مفتاح اسماعیل کے خلاف چارج شیٹ سے متعلق احتساب عدالت نے آئندہ سماعت پر شہادتیں طلب کر لی ہیں۔
