پاکستان نے روس سے خام تیل منگوانے کیلئے پہلا آرڈر دے دیا

روس سے سستے تیل کی خریداری میں پیشرفت سامنے آئی ہے۔ پاکستان نے روس سے خام تیل پہلا کارگو جہازمنگوانے کا آرڈر دے دیا۔

سماء نیوز کی رپورٹ کے مطابق حکام وزارت پیٹرولیم کا کہنا ہے کہ روسی تیل کا پہلا کارگو بطورٹیسٹ منگوایا جا رہا ہے۔ پہلا کارگو آنے سے سستے تیل کی خریداری کے معاہدے کا باقاعدہ آغاز ہوگا۔

وزارت پیٹرولیم کے حکام کا کہنا ہے کہ پاکستان اپنی ضرورت کا 33 فیصد سستا تیل روس سےخریدنا چاہتا ہے۔ روسی تیل کا پہلا کارگو مئی کے وسط میں پاکستان پہنچے گا۔

حکام وزارت پیٹرولیم کا مزید کہنا ہے کہ پاکستان روس سے دواقسام کا خام تیل منگوانا چاہتا ہے۔ پاکستان میں روسی خام تیل یورال اورسوکولزریفائن ہوسکتے ہیں۔ پہلے کارگو کا تیل کو روسی ٹیم کی موجودگی میں ریفائن کیا جائےگا۔ 

سماء نیوز کی رپورٹ کے مطابق وفاقی وزیرپیٹرولیم مصدق ملک نے بھی روس سے پہلا کارگو منگوانے کی تصدیق کردی۔