-
-
حکومتِ پاکستان اور ریلوے پاکستان کی جانب سے کراچی سے ٹرین سروس معطلی سے متعلق وضاحت جاری کی گئی ہیں۔ پاکستان ریلوے کے مطابق ٹرین آپریشن معمول کے مطابق جاری ہے۔
پاکستان ریلوے کی جانب سے میڈیا پر ٹرین سروس معطلی سے متعلق چلنے والی خبروں کی تردید کی گئی ہے۔ پاکستان ریلوے کی جانب سے جاری پیغام میں کہا گیا ہے کہ ٹرین آپریشن معمول کے مطابق جاری ہے کل سے کراچی تک مذید 3 ٹرینیں بھی چلیں گی۔
گزشتہ روز چند میڈیا چینل پر ٹرین سروس معطلی سے متعلق خبریں نشر کی گئی تھیں۔ اس حوالے سے حکومتِ پاکستان نے اپنے ٹوئٹر کے آفیشل اکاؤنٹ پر پیغام جاری کیا ہے۔
Fake News Alert:
زیر نظر تصویر میں لکھی گئی تحریر کا حقیقت سے کوئی تعلق نہیں۔ کراچی تک چلنے والی خیبر میل اور رحمان بابا ایکسپریس معمول کے مطابق روانہ ہوں گی۔ ہمارے وعدے کے مطابق کراچی تک کل سے مزید تین ٹرینوں (قراقرم، پاک بزنس، کراچی ایکسپریس) کے آپریشن کا آغاز ہو جائے گا۔ pic.twitter.com/2sbLMtTHsK— Pakistan Railways (@PakrailPK) October 4, 2022
ریلوے پاکستان نے اس خبر کو جعلی قرار دیتے ہوئے اپنے آفیشل ٹوئٹر اکاؤنٹ پر کہا ہے کہ پہلے سے چلنے والی تمام ٹرینیں معمول کے مطابق روانہ ہوں گی، ہماری پہلی ترجیح مسافروں کے تحفظ کو یقینی بنانا ہے، ٹرین اسی وقت روانہ ہوتی ہے جب ہمارے انجینئرز ٹریکس کو فٹ قرار دیتے ہیں۔
Fake News Alert
ڈی ایس سکھر کو ایسی کوئی رپورٹ پیش نہیں کی گئی۔ ہماری پہلی ترجیح مسافروں کے تحفظ کو یقینی بنانا ہے۔ ٹرین اسی وقت روانہ ہوتی ہے جب ہمارے انجینئرز ٹریکس کو فٹ قرار دیتے ہیں۔ پہلے سے چلنے والی تمام ٹرینیں معمول کے مطابق روانہ ہوں گی۔ pic.twitter.com/vrxpAg3zQI— Pakistan Railways (@PakrailPK) October 4, 2022
ریلوے پاکستان کا کہنا ہے کہ کراچی تک چلنے والی خیبر میل اور رحمٰن بابا ایکسپریس معمول کے مطابق روانہ ہوں گی، ہمارے وعدے کے مطابق کراچی تک کل سے مزید تین ٹرینوں (قراقرم، پاک بزنس، کراچی ایکسپریس) کے آپریشن کا آغاز ہو جائے گا۔
حکومتِ پاکستان کا کہنا ہے کہ پاکستان ریلوے نے سندھ سے سیلاب کے باعث ایک ماہ سے زائد عرصے تک معطل رہنے والی ٹرین سروس کو دوبارہ بحال کر دیا ہے۔
واضح رہے کہ اتوار کے روز کراچی سے پہلی ٹرین رحمان بابا ایکسپریس راولپنڈی کے لیے روانہ ہو گئی تھی۔
