کراچی کے علاقے سہراب گوٹھ کے قریب گزشتہ رات جھگیوں میں ہونے والی آتشزدگی کے واقعے میں 2 سگے بھائی جاں بحق ہو گئے۔دونوں بیٹوں کی ہلاکت پر والدہ نے لاش کے ہمراہ کراچی پریس کلب پر احتجاج کیا۔
کراچی پریس کلب کے باہر احتجاج میں جاں بحق بچوں کی والدہ نے بیٹے کی میت رکھ کر احتجاج کرتے ہوئے مطالبہ کیا کہ انہیں انصاف دیا جائے اور واقعے کے ذمہ داروں کا تعین کرکے انکو سزا دی جائے۔
گزشتہ روز جنت گل ٹاؤن لیاری ایکسپریس وے کے قریب جھگی میں آتشزدگی کے واقعے میں 8 سالہ بچہ جھلس کر دم توڑ گیا تھا جبکہ اس کا بڑا بھائی جھلس کر شدید زخمی ہو گیا تھا جو دوران علاج دم توڑ گیا نوجوان کی شناخت 20 سالہ شمشیر کے نام سے ہوئی تھی۔
