ملک بھر میں آج یوم تکریم شہدائے پاکستان منایا جارہا ہے، آج یوم تکریمِ شہدائے پاکستان کے سلسلے میں شہداء کی قربانيوں کوخراج عقيدت پیش کیا جارہا ہے۔
راولپنڈی میں جی ایچ کیو میں یوم تکریم شہداء کی مرکزی تقریب کا آغازکیپٹن بلال صادق نے تلاوت قرآن پاک سے کیا۔تقریب میں آرمی چیف نے بطورمہمان خصوصی شرکت کی یادگار شہداء پر پھول رکھے فاتحہ خوانی کی۔
اس کے علاوہ سابق آرمی چیف جنرل قمر جاویدباجوہ نےیادگارشہداء پر پھول رکھے،اینٹی نارکوٹکس فورس کےسربراہ ،آرپی اوراولپنڈی سیدخرم علی،آئی جی اسلام آباد اکبر ناصر، کمشنراسلام آبادلیاقت علی چھٹہ اورکمشنرپنڈی نورالامین نے یاد گارشہداء پر پھول رکھے فاتحہ خوانی کی۔
ملک بھرميں شہدا کے ايصال ثواب کيلئے مساجد ميں قرآن خوانی اور دعائيں کی جارہی ہیں۔۔ پاکستان ايئرفورس،نيول ہيڈکوارٹرز،فارميشنزہيڈکوارٹراور پوليس کي يادگارشہدا پرتقريبات منعقد ہوئیں۔ ملک بھرکے اسکولوں، کالجزميں بھی خصوصي تقريبات کاانتظام کياگياہے۔
صوبائی دارالحکومتوں،آزاد کشميراور گلگت بلتستان بھی يادگارشہداپربھی تقريبات کا انعقاد کیا گیا ہے۔ ۔ملک بھرميں شہدا کی قبورپرفاتحہ خوانی کی گئی،عوام نے بھی تقریبات میں بھرپور شرکت کی۔
ملتان ریجن میں بھی موجود شہداء کی قبروں پر پاک فوج کے دستے نے گارڈ آف آنر پیش کیا۔ اس موقع پر کیپٹن عاطف حسن شہید، حوالدار خرم شہید اور لانس نائیک عبدالحکیم شہید کے ورثا اور شہری بھی موجود تھے۔
گجرات میں یومِ تکریمِ شہداء کی مرکزی تقریب میجر عزیز بھٹی شہید کے مزار پر منعقد ہوئی۔ اس موقع پر ڈپٹی کمشنر صفدر نے کہا کہ شہداء ہمارا فخر ہیں۔
ڈیرہ غازی خان میں پولیس لائن میں یومِ تکریمِ شہداء کی تقریب ہوئی جس میں پاک فوج اور پولیس سمیت سول انتظامیہ کے افسران شریک ہوئے۔ چنیوٹ میں یومِ تکریمِ شہداء کے موقع پر یادگارِ شہداء پر پولیس کے دستوں نے سلامی دی۔
فیصل آباد میں زرعی یونیورسٹی میں مرکزی تقریب کا انعقاد کیا گیا جس میں شہداء کے اہلخانہ، ضلعی انتظامیہ، پولیس اور سول سوسائٹی کے افراد شریک ہوئے۔ گوجرانوالہ کی پولیس لائن میں بھی یوم تکریمِ شہداء کی مرکزی تقریب ہوئی جس میں کور کمانڈر گوجرانوالہ لیفٹیننٹ جنرل محمد عامر نے شرکت کی۔
کوئٹہ میں یومِ تکریمِ شہداء کی مناسبت سے سینٹرل پولیس آفس میں تقریب ہوئی جس میں کور کمانڈر لیفٹیننٹ جنرل آصف غفور، وزیراعلیٰ، صوبائی وزیر داخلہ، آئی جی پولیس اور دیگر افراد نے شرکت کی۔
یوم تکریم شہداء پر ملک بھر ميں ريلياں اورتقريبات منعقد کی جارہی ہیں جس ميں عوام کی بڑی تعداد بھی شریک ہے۔ آج سارا دن شہداء کے ایصالِ ثواب کے لیے قرآن خوانی اور دعاؤں کا سلسلہ جاری رہے گا۔
آئی ايس پی آرچيئرمين جوائنٹ چيفس آف اسٹاف کميٹی،سروسزچيفس کا شہدا پاکستان کوشاندار خراج عقيدت پیش کیا۔ ريٹائرڈ فوجی افسران، سول سوسائٹی کے نمائندوں نے شہدا پاکستان کو خراج عقيدت پیش کیا۔
آئی ايس پی آرکا کہنا ہے کہ شہدا کی لازوال قربانياں وطن عزيزکی آنے والی نسلوں کيلئے مشعل راہ ہے،آج پوری قوم کيلئے ہرشہيد کوياد کرنے اور خراج عقيدت پيش کرنے کا دن ہے۔ شہدا پاکستان ہمارے ہيرو اور ملک کاعظيم اثاثہ ہيں۔
قوم شہدا اور ان کے قابل فخر خاندانوں کی مقروض رہے گی۔شہدا ہمارا فخرتھے،ہيں اورہميشہ رہيں گے۔ کسی کوشہدا کی لازوال قربانيوں کو مجروح کرنے کی اجازت نہيں دی جاسکتی۔
وزیراعظم شہبازشریف نے یوم تکریم شہدا کے موقع پر ٹوئٹ میں کہا،آج قوم اپنے ہیروز اور شہدا کو خراج عقیدت پیش کررہی ہے۔ 9 مئی کے المناک واقعات کومحض احتجاج کے طور پر نہیں دیکھتا، 9 مئی کی منصوبہ بندی کرنے والے خطرناک تھے۔
