-
-
یورپ کیلئے پاکستان انٹرنیشنل ائیر لائنز (پی آئی اے) کی پروازوں کی بحالی میں اہم پیش رفت ہوئی ہے۔ یورپین یونین ایوی ایشن سیفٹی ایجنسی نے پی آئی اے کو ریموٹ آڈٹ میں کلیئر کردیا۔
میڈیا رپورٹس کے مطابق یورپی یونین ایوی ایشن سیفٹی ایجنسی (ایاسا) نے چند ماہ قبل پاکستان انٹرنیشنل ایئرلائنز (پی آئی اے) کا آن لائن آڈٹ کیا تھا جس میں ایاسا نے پی آئی اے کو کلیئر قرار دے دیا ہے۔
یورپی ایوی ایشن ایجنسی ستمبر میں پی آئی اے اور سی اے اے کا فزیکل آڈٹ کرنے پاکستان آئے گی۔ فائنل آڈٹ میں کامیابی کے بعد ہی پی آئی اے کی یورپ کے لیے پروازیں بحال ہو سکیں گی۔
پی آئی اے کے ذرائع کے مطابق یورپ میں پی آئی اے کی پروازیں بحال کرنے کے حوالے سے اسے ایک اہم پیش رفت قرار دیا جا رہا ہے۔ حکام نے بتایاکہ یورپ میں پروازوں کی بحالی سے پی آئی اے کو اربوں روپے کی آمدنی ہوگی۔
واضح رہے پاکستان انٹرنیشنل ایئر لائنز (پی آئی اے) پر جون 2020 سے یورپی ملکوں میں پروازوں پر پابندی عائد ہے۔
