گیم چینجر: سی پیک کے تحت کراچی کے لیے بڑے ٹرانسفارمیشن پراجیکٹ کا آغاز

وفاقی وزارت بحری امور نے سی پیک کے تحت کراچی کے لیے ایک بہت بڑا اقتصادی ٹرانسفارمیشن پروجیکٹ شروع کردیا ہے جس میں کراچی کوسٹل کمپری ہنسیو ڈویلپمنٹ زون کو سی پیک میں شامل کرنے پر اتفاق کیا گیا ہے۔

وفاقی وزیر برائے بحری امور علی زیدی کے مطابق کراچی کوسٹل کمپری ہنسیو ڈویلپمنٹ زون منصوبے کو سی پیک میں شامل کرنا کراچی کو دنیا کی سر فرہست بندر گاہوں میں لا کھڑا کرے گا ۔

 اس منصوبے کا  فیصلہ اسلام آباد اور بیجنگ میں قتصادی راہداری پر 10 ویں جوائنٹ کوآپریشن کمیٹی کے اجلاس میں ہوا ۔ جس پرعلی زیدی کا کہنا تھا کہ منصوبہ کے سی سی ڈی زیڈ پاکستان کے لیے گیم چینجر ثابت ہو گا ۔ یہ کراچی کو انتہائی جدید شہری انفراسٹرکچر زون فراہم کرے گا۔

علی زیدی کا مزید کہنا تھا کہ منصوبے کی متوقع سرمایہ کاری تقریبا 3.5 ارب ڈالر ہے، منصوبہ  آس پاس کی کچی آبادیوں میں رہنے والے 20 ہزار سے زائد خاندانوں کو رہائشی آبادکاری بھی فراہم کرے گا، کے سی سی ڈی زیڈ عالمی سرمایہ کاروں کے لیے بھی بہت فائدے مند ثابت ہوگا، منصوبہ دونوں برادر ممالک کے درمیان ترقی اور صنعتی تعاون کو نمایاں طور پر بڑھا دے گا۔

واضح رہے کہ یہ منصوبہ کراچی پورٹ ٹرسٹ کی شراکت کے ساتھ براہ راست چینی سرمایا کاری پر بنایا جائے گا ۔