کمشنر کراچی محمد اقبال میمن نے شہریوں کی سہولت کےلئے کمشنر کراچی ویب سائٹ کا اجراء کردیا۔ کمشنر آفس میں پہلی بار اردو ، سندھی اور انگریزی زبانوں میں ویب سائٹ تیار کی گئی ہے۔ شہری اپنی سہولت کے ویب سائٹ پر زبان کا انتخاب کرسکتے ہیں۔
کمشنر کراچی کا کہنا ہے کہ شہریوں کے لئے ویب سائٹ پر تینوں زبانوں میں شکایات درج کرنے کے لیے آسان کمپلینٹ پورٹل بنایا گیا ہے۔ شہری ضروری اشیاء خوردونوش کی قیمتوں سے متعلق اور دیگر شہری خدمات کے سلسلے میں شکایات کنٹرول روم نمبر 1299 پر بھی درج کر سکتے ہیں۔
کمشنرکراچی محمداقبال میمن کے مطابق ویب سائٹ پر پھلوں، سبزیوں اور گوشت کی نرخ کی فہرست بھی آویزاں کی جائیں گی۔ کمشنر کراچی کا کہنا ہے کہ جلد شہریوں کی سہولت کے لئے کمشنر کراچی کمپلینٹ ایپ کا بھی آغاز کردیا جائے گا جس پر بھی تمام سہولیات دستیاب ہوں گی۔
شہری کمشنر کراچی کی درج ذیل ویب سائٹ پر جاکر اشیاء ضروری کے نرخوں کی فہرستیں دیکھ سکتے ہیں اور اپنی شکایات بھی درج کرواسکتے ہیں۔
https://commissionerkarachi.gos.pk
