نگراں وزیر اعلیٰ سندھ جسٹس ریٹائرڈ مقبول باقرکا کہنا ہے کہ وہ وفاقی حکومت سے بی آر ٹی ریڈ لائن کوریڈور کی ایکنک سے منظوری کیلئے جلد رابطہ کریں گے۔
ترجمان وزیراعلی سندھ کے مطابق نگران وزیراعلیٰ سندھ جسٹس ریٹائرڈ مقبول باقر کی مداخلت کے بعد اے جی سندھ نے بسوں کیلئے فنڈز جاری کر دیئے۔
وزیراعلیٰ سندھ کا اس موقع پر کہنا تھا کہ فنڈز کی منتقلی کے بعد محکمہ ٹرانسپورٹ کسٹمز کی ڈیوٹیز ادا کرنے کا پابند ہے، ایک ہفتے کے اندر تمام ادائیگیاں کر کے بسوں کو ریلیز کروائیں، محکمہ ٹرانسپورٹ عوامی ریلیف کیلئے جلد بسوں کو ریلیز کرا کے سڑکوں پر لائے۔
جسٹس ریٹائرڈ مقبول باقر نے کہا ہے کہ شہر قائد کے ٹرانسپورٹ کا حل سرکلر ریلوے اور بی آر ٹی کی تمام لائینوں کے کام کرنے سے ممکن ہے، وفاقی حکومت سے بی آر ٹی ریڈ لائن کوریڈور کی ایکنک سے منظوری کیلئے جلد رابطہ کروں گا۔
