-
-
کراچی کے علاقے میں صفورا میں یونیسیف اور ڈبلیو ایچ او کے تعاون سے میٹرنٹی یونٹ تعمیر کیا گیا ہے۔ جس میں تمام جدید سہولیات موجود ہیں۔ خواتین اور نومولود بچوں کی دیکھ بھال کا یہ مرکز 24 گھنٹے فعال رہے گا۔
صوبائی وزیر صحت عذرا پیچوہو نے صفورا گوٹھ میں نوتعمیر شدہ میٹرنٹی یونٹ کا افتتاح کیا۔ ڈاکٹر جنرل صحت جمن باہوتو، او آئی سی، چیف فیلڈ آفس، یونیسیف، وی نیسالی، اور ڈبلیوایچ او کے نمائندے بھی اس موقع پر موجود تھے۔
یونیسیف اور عالمی ادارہ صحت کے تعاون سے تعمیر کئے جانے والے اس مرکز میں 24 گھنٹے زچکی کی سہولت فراہم کرے گا۔
میٹرنٹی یونٹ میں 2 ڈیلیوری ٹیبلز، اسٹینڈ بائی وارمر، سی ٹی جی، اسٹیمر، سکشن مشین، آکسیجن کنسٹریٹر، الیکٹرک اور گیس آٹوکلیو، اور الٹراساؤنڈ کی بھی سہولیات موجود ہیں۔ مرکز میں ایک ایمبولینس بھی موجود رہے گی۔
ایمبولینس میں ہنگامی صورتحال کیلئے بچوں اور بڑوں کیلئے آکسیجن کی سہولت بھی موجود ہے۔ انسٹی ٹیوٹ کا اپنا شمسی توانائی سے چلنے والا نظام بھی موجود ہے لیکن وہ بھی زیرالتوا ہے، ایم سی ایچ دو یوسیز 12 اور 13 کے علاقوں میں سہولت فراہم کرے گا۔
