پاکستان سپرلیگ کا ساتواں سیزن اب تک کراچی کنگز کے لئے مایوس کن ثابت ہوا ہے۔ لیگ میں کراچی کنگز ابتدائی چاروں میچز ہار چکی ہے۔ کراچی کنگز کی مسلسل شکستوں پر ٹیم کے سپورٹر مایوس نظرآتے ہیں لیکن مشکل وقت میں کپتان کی حوصلہ افزائی کے لئے اداکار فہد مصطفیٰ سامنے آگئے۔
سوشل میڈیا پر فہدمصطفیٰ نے بابراعظم کی تصویر شیئر کرتے ہوئے لکھا کہ وہ کراچی کنگز کی بھرپور حمایت کرتے ہیں۔ اس بار مشکل حالات ہیں لیکن ٹیم ضرور کم بیک کرے گی۔
کراچی کنگز کی ٹیم پی ایس ایل سیون میں مسلسل چار شکستوں کے بعد پوائنٹس ٹیبل پر آخری نمبر پر ہے۔ گزشتہ روز پشاور زلمی کے خلاف کپتان بابراعظم نے تن تنہا میچ کو جتوانے کی کوشش کی لیکن ناکام رہے۔ بابر نے میچ میں 90 رنز کی ناقابل شکست اننگز کھیلی۔
