-
-
پاکستان کے سب سے بڑے شہر اور معاشی حب کراچی نے ملکی معیشیت میں ایک بارپھر سے سب سے زیادہ حصہ ڈالنے کا ریکارڈ بنادیا۔ کراچی کے شہری ٹیکس کی ادائیگی میں ایک بار پھر سب سے آگے رہے۔
فیڈرل بورڈ آف ریونیو (ایف بی آر) کے لارج ٹیکس پیئر آفس کراچی نے ٹیکس وصولی کا نیا ریکارڈ بنادیا۔ لارج ٹیکس پیئر آفس (ایل ٹی او) کراچی نے ٹیکس وصولی کے وفاقی حکومت کے ہدف کوبھی پیچھے چھوڑ دیا ہے۔
فیڈرل بورڈ آف ریونیو (ایف بی آر) کے مطابق جولائی 2021 سے مئی 2022 تک 11 ماہ میں کراچی سے 1595 ارب روپے ٹیکس وصول کیا گیا ، گذشتہ سال کےمقابلے میں اس سال 42 فیصد زیادہ ٹیکس وصولی کی گئی ہے۔
ایف بی آر کے مطابق وفاقی حکومت کی جانب سے ٹیکس وصولی کا ہدف 1449 ارب روپے مقرر کیا گیا تھا لیکن ایل ٹی او کراچی کی جانب سے وفاقی حکومت کے ہدف کو پیچھے چھوڑتے ہوئے 11 ماہ میں کراچی سے 1595 ارب روپے ٹیکس وصول کر لیا گیا ہے۔
اس کے علاوہ ملک کی تاریخ میں پہلی بار فیڈرل بورڈ آف ریونیو (ایف بی آر) کی ٹیکس وصولی 6000 ارب روپے تک پہنچ گئی ہے۔ ایف بی آر نے مالی سال 201-22ء کے دوران 6125 ارب ٹیکس وصول کیا، ایف بی آر کو گذشتہ سال کی نسبت 29.1 فیصد زائد ٹیکس وصولیاں ہوئیں۔
