کراچی میں پولیس نے کامیابی کاروائی کرتے ہوئے اسٹریٹ کرائم میں ملوث ملزم کو گرفتار کرلیا۔ ملزم پر کراچی سے 15 ہزار موٹرسائیکلیں چوری کرنے کا الزام ہے۔
میڈیا رپورٹس کے مطابق سکھن پولیس نے کاروائی کرتے ہوئے 15 ہزار موٹرسائیکلوں کی چوری میں ملوث ملزم کو گرفتار کیا۔ ملزم کی شناخت آصف کے نام سے ہوئی جس نے جرم کا اعتراف کرلیا ہے۔
ملزم نے اعتراف کیا کہ اسکا باپ ٹارگٹ کلر تھا جو پولیس مقابلہ میں مارا گیا تھا۔ ملزم آصف کے مطابق وہ گاڑیاں اور موٹرسائیکلیں کراچی سے چوری کرکے بلوچستان لے جاتا تھا۔
۔
ملزم نے بتایا کہ اس نے 12 گاڑیاں اور 10 سے 15 ہزار موٹر سائیکل چوری کی ہیں، گلشن حدید، ماڈل کالونی، الہٰ دین پارک اور بنگالی پاڑے سے گاڑیاں چوری کیں۔ ملزم نے اعتراف کیا ہے کہ اس سے قبل بھی 4 بار پکڑا جاچکا ہے۔
