پاکستان میں کورونا کی پانچویں لہر سے شہریوں کی بڑی تعداد متاثر ہورہی ہے لیکن ملک کے سب سے بڑے شہر کراچی میں عائد پابندیوں کے بعد کورونا کیسز میں کمی آئی ہے۔ شہر قائد میں کورونا کے مثبت کیسز کی شرح 12 فیصد کے قریب ہوگئی ہے۔
محکمہ صحت کے جاری اعداد و شمار کے مطابق گزشتہ 24 گھنٹوں میں کراچی میں کورونا کے مثبت کیسز کی شرح 12.02 فیصد رہی۔ شہر قائد میں ہفتہ کے روز 6272 ٹیسٹ کئے گئے جس میں 754 افراد کورونا میں مبتلا پائے گئے۔
ملکی سطح پر کورونا کے مثبت کیسز کی شرح 8.69 فیصد ہے۔ نیشنل کمانڈ اینڈ آپریشن سینٹر کے اعداد و شمار کے مطابق ہفتہ کے روز ملک بھر میں مجموعی طور پر 56 ہزار 51 ٹیسٹ کئے گئے جس میں سے 4874 افراد میں مہلک وائرس کی تشخیص ہوئی۔
ملک بھر میں کورونا سے متاثر ہونے والے کُل مریضوں کی تعداد 14 لاکھ 59 ہزار 773 ہوگئی ہے۔
