کراچی کے علاقے اسٹیل ٹاؤن گھگرپھاٹک قادرنگر کے قریب ٹرین کی زد میں آکر نگراں صوبائی وزیر کا بھائی محمدحسن مری جاں بحق ہوگیا۔
متوفی نوجوان کی لاش قانونی کارروائی کے لیے قریبی اسپتال منتقل کی گئی ہے ، ایس ایس پی ملیرطارق الہیٰ مستوئی کا کہنا ہے کہ ٹرین حادثے میں جاں بحق ہونے والا نوجوان نگراں صوبائی وزیر میرخدا بخش مری کا حقیقی بھائی ہے۔
متوفی نوجوان مال مویشی کو دیکھنے علاقے میں گیا تھا جہاں کچھ اور مہانوں نے بھی آنا تھا ، متوفی نوجوان کانوں میں ہینڈ فری لگا کرگھوم رہا تھا اور چلتے چلتے ٹرین کی پٹری پر آگیا اوراچانک ٹرین کی ٹکر سے موقع پر جاں بحق ہو گیا۔
پولیس کے مطابق واقعے کی دیگر پہلوؤں سے بھی تحقیقات کی جا رہی ہیں۔ دوسری جانب علاقہ مکینوں کا کہنا ہے کہ متوفی نوجوان بکریاں چراتےہوئے ٹرین کی زد میں آکر جاں بحق ہوا ہے۔
