کراچی پاکستان کا سب سے بڑا شہر ہے جسکی سڑکوں پر روزانہ لاکھوں گاڑیوں کی آمدورفت ہوتی ہے اور اس بے ہنگھم ٹریفک کو کنٹرول کرنے کیلئے ٹریفک پولیس کے اہلکار جگہ جگہ موجود ہوتے ہیں۔
بے تحاشہ ٹریفک اور منزل پر وقت پہنچنے کی فکر میں جلد بازی کے باعث اکثر کراچی کی سڑکوں پر عوام اور ٹریفک پولیس اہلکاروں کے درمیان تلخ کلامی کے مناظر بھی دیکھنے کو ملتے ہیں۔
کراچی کے شہری ٹریفک پولیس اہلکاروں کے ناروا سلوک کی شکایات کرتے نظر ہیں لیکن ان اہلکاروں کی باضابطہ شکایات درج کرانے کا بھی طریقہ کار موجود ہے جس سے بیشتر شہری لاعلم ہیں۔
کراچی ٹریفک پولیس میں ویسے تو بہت سے ڈپارٹمنٹ ہیں لیکن ایک ایسا بھی ڈپارٹمنٹ ہے جسے کمپلینٹ سیل (Complaint Sell) کہا جاتا ہے جہاں عام شہری ٹریفک پولیس اہلکار کی شکایات درج کراسکتا ہے۔
کراچی کے شہری ٹریفک پولیس کی ہیلپ لائین ہے جس کا نمبر 1915 ہے، اس پر فون کرکے اپنی شکایات درج کراسکتے ہیں۔ اسکے ساتھ سٹیزن پورٹل پر بھی ای میل کے ذریعے ٹریفک اہلکاروں کی شکایت کی جاسکتی ہے۔
سندھ پولیس کی جانب سے ریڈیو پر ہر جمعرات شام 4 بجے 5 بجے تک ایک خصوصی پروگرام نشر کیا جاتا ہے جس میں ڈی آئی جی ٹریفک خود شریک ہوتے ہیں اور شہریوں کی شکایات کو بذریعہ کال سناجاتا ہے اور انکی شکایات کو حل کیا جائے گا۔
اسکے علاوہ کوئی بھی شہری کراچی میں ڈی آئی جی ٹریفک کے آفس آکر بھی اپنی درخواست دے سکتا ہے۔ شہریوں کی جانب سے جمع کرائی جانے والی درخواستوں پر فوری عمل کیا جاتا ہے۔
